“Ан-Насср” ҳужумчиси Криштиану Роналду ёзда “Реал”га ўтиши мумкин. Бу ҳақида Sky Sports нашрига таяниб, Sport-Express хабар бермоқда.

Манбага кўра, 40 ёшли футболчи 2025 йилги клублар ўртасидаги Жаҳон чемпионатида иштирок этишни хоҳламоқда. Бироқ, “Ан-Насср” турнирга йўлланма ололмагани сабабли у “Реал” билан қисқа муддатли шартнома имзолаш вариантини кўриб чиқмоқда.
FIFA 1–10 июнь кунлари клублар ўртасидаги ЖЧ иштирокчилари учун махсус трансфер ойнасини очади, бу эса португалиялик футболчига “қаймоқранглилар” сафига фақат ушбу мусобақада иштирок этиш учун қўшилиш имконини беради.
Роналду 2022 йил охирида “Ан-Насср” футболчисига айланган эди. Унинг Саудия клуби билан тузган шартномаси 2025 йилнинг июнига қадар амал қилади.
Португалиялик ҳужумчи 2009–2018 йиллар оралиғида “Реал” шарафини ҳимоя қилган. У Мадрид клуби билан икки карра Испания чемпиони, тўрт карра Чемпионлар лигаси ғолиби бўлган, шунингдек, уч марта клублар ўртасидаги Жаҳон чемпионатида зафар қучган.
Изоҳ (0)