Футбол афсонаси Марко ван Бастен ўзининг энг буюк футболчилар рўйхатини эълон қилар экан, Лионель Месси ва Криштиану Роналдуни кучли бешликка киритмади.
Ван Бастендан кейинги даврда Лионель Месси ва Криштиану Роналду футбол тарихидаги энг яхши ҳужумчилардан бирига айланди. Бироқ у интервьюларнинг бирида бу икки юлдузни ўзининг барча даврларнинг энг яхши беш нафар футболчиси рўйхатига киритмаган.
Унинг фикрича, тарихдаги энг зўр бешлик — Пеле, Диэго Марадона, Йохан Кройф, Зидан ва Мишел Платини.
Пеле Бразилия билан уч марта Жаҳон чемпиони бўлиб, футбол тарихига ўз номини олтин ҳарфлар билан ёздирган. Марадона эса ўзининг техникаси ва майдондаги сеҳрли ҳаракатлари билан мухлислар ёдида қолган. Кройф эса нафақат ўйинда, балки мураббийликда ҳам футболга катта таъсир кўрсатган, дейди у.
Ван Бастен Месси ва Роналдунининг ўйинларини ҳам юқори баҳолаган. Аммо, унинг фикрича, Марадона жамоага бош бўла олиш хусусияти билан Мессидан устун.
Криштиану Роналду ҳам замонавий футболнинг афсонаси ҳисобланади. “Манчестер Юнайтед”, “Реал Мадрид” ва “Ювентус” каби клубларда фаолият юритган ҳужумчи ҳозирда футбол тарихидаги энг кўп гол урган футболчи ҳисобланади. У 40 ёшида ҳам юқори даражадаги ўйин кўрсатмоқда ҳамда 2026 йилги Жаҳон Чемпионатида яна бир бор чемпионлик учун курашишни истамамоқда.
Месси ҳам ажойиб футболчи, лекин Марадона жамоада доим етакчи бўла олган. Месси эса катта “уруш”лар пайти йўқолиб қолади, деган Ван Бастен.
Шунингдек, у Зинедин Зидан, Мишел Платини каби футболчиларни ҳам эслатиб ўтди:
Уларни ҳам унутмайман. Зидан ҳамда Платини каби футболчилар ўз даврининг энг зўр футболчиларидан бўлган.
Изоҳ (0)