Мадриднинг “Реал” клуби ёзги трансфер мавсумида Винисиус Жуниорни 300 млн еврога сотишга тайёр. Бу ҳақида Football Трансферс нашри хабар бермоқда.

Сўнгги пайтларда юлдуз футболчиларни ўз сафига қўшиб олаётган Саудия Арабистони клублари Винисиус учун асосий харидор бўлиб турибди. “Ал-Аҳли” ва “Ан-Насср” жамоалари бразилиялик футболчига 1 мавсум учун 200 млн евролик маош таклиф қилмоқчи.
Винисиуснинг “Реал” билан муносабатлари ёмонлашмоқда, чунки томонлар ҳали янги битим бўйича бир қарорга келгани йўқ. Шу боис ушбу трансфернинг амалга ошиш эҳтимоли юқори баҳоланмоқда.
Манбага кўра, агар Винисиус трансфер қилинса, Мадрид клуби унинг сотувидан тушган 300 млн еврога янги харидларни амалга ошириш ҳақида ўйламоқда. Хусусан, “Манчестер Сити” ҳужумчиси Эрлинг Ҳоланд “Реал”нинг асосий мақсадига айланади.
Маълумот учун, жорий мавсумда Винисиус “қаймоқранглилар” сафида 37 ўйинда майдонга тушиб, ўз ҳисобига 18 та гол ва 11 та голли узатма ёздириб қўйган.
Футболчининг “Реал” билан шартномаси 2027 йилнинг ёзигача амал қилади.
Изоҳ (0)