Испания чемпионатининг 25-тури доирасидаги “Реал Мадрид” – “Жирона” учрашуви 23 февраль, якшанба куни бўлиб ўтди.
Учрашувни майдон эгалари фаол бошлади. Бироқ хавфли вазиятлар кўкка совурилди. Меҳмонлар эса яхши ҳимояланди. 41-дақиқага келиб эса ушбу ўйинда ҳисоб очилди. Лука Модричнинг узоқ масофадан дарвоза томон йўллаган зарбаси аниқ бўлди.
Иккинчи бўлимдаги сценарий ҳам биринчисидан фарқ қилмади. 83-дақиқага келиб Винисиус Мбаппенинг узатмасидан сўнг гол уриб, ҳисобни иккитага оширди.
Шундай қилиб, мадридликлар ўз ҳисобига 3 очкони қўшиб қўйди. Ушбу ғалабадан сўнг Анчелотти шогирдлари 54 очко билан турнир жадвалида 2-ўринни эгаллаб турибди.
Изоҳ (0)