Ҳиндистонлик Канябойин Судаҳкар исмли эркак ўзининг камёб ва ғайриоддий автомобиллар коллекцияси билан Гиннеснинг рекордлар китобига киритилди, деб хабар бермоқда Теngri Auto.
Унинг машиналар коллекцияси Ҳайдаробод шаҳридаги Sudha Cars музейида сақланади. 57 та ажойиб кўринишдаги машиналарнинг барчаси шахсан Судаҳкар томонидан ишлаб чиқарилган. Муаллиф кундалик предметлардан илҳомланиб турли хилдаги санъат асарларини яратган.
2010 йилда ташкил этилган мазкур музей ўзининг ақл бовар қилмайдиган машиналари билан машҳур бўлиб, улар компьютер, сумка, пойабзал ва ҳатто озиқ-овқат маҳсулоти кўринишига эга.
Судаҳкар ушбу ҳоббига келишига болаликдаги воқеа сабаб бўлган, у 14 ёшида металлоломдан бўлакларини топиб олиб, уларнинг қисмларидан автомобиллар яратишни бошлаган. Маълум вақт ўтиб эркак ўз ҳоббисини бизнесга айлантирган. Унинг биринчи меҳнат маҳсули 2005 йилда энг катта уч ғилдиракли велосипед сифатида рекорд ўрнатган.
Ҳозирда Sudha Cars музейида нафақат автомобиллар, балки турли кўринишдаги мототцикллар ҳам сақланади. Масалан, коллекциядаги энг кичик мототциклнинг баландлиги атиги 33 сантиметрни ташкил қилади.
Музейдаги ҳар бир экспонат ёнида автомобилнинг ўзига хос хусусиятлари ва уни яратишга сарфланган вақт каби маълумотлар ёзиб қолдирилган. Баъзи машиналар, масалан, қалам ёки бургер шаклидагилар маълум байрам тадбирларига атаб махсус ишлаб чиқилган.
Изоҳ (0)