Хитойнинг Сичуан провинциясида ажрашиш жараёнида бўлган эр-хотин 29 та товуқни қандай тақсимлаш масаласида келиша олмади. Судья рамзий ечим сифатида “ортиқча” товуқни кечки хайрлашув овқатида биргаликда ейишни таклиф қилди. Бу ҳақда South China Morning Post хабар берди.
Низо қандай келиб чиққан?
Ту хоним ва унинг эри Ян турли қишлоқларда яшаб, асосан паррандачилик билан шуғулланган. Уларнинг асосий даромади парранда боқишдан келган, баъзида Ян бошқа ишлар билан ҳам шуғулланган.
Ажрашиш пайтида улар ўзлари қурган уйлардан ташқари катта мол-мулкка эга эмас бўлмаган. Уйлар рўйхатдан ўтган манзилларда қолган. Шунинг учун бўлинадиган асосий мулк уй хўжалиги бўлган: жами 53 парранда — 29 товуқ, 22 ғоз ва 2 ўрдак.
Эр-хотин ғоз ва ўрдакларни тенг бўлишга келишган, бироқ товуқлар устида тортишув чиққан. Аёл уларга ўзи қараганини айтиб, ортиқча биттасини ўзига олишни хоҳлаган. Ян эса бунга қарши чиқиб, уларни парваришлашга кўп вақт ва куч сарфлаганини айтган.
Судьянинг қарори
Судья Чен Сян иккита вариантни таклиф қилган: “ортиқча” товуқни биргаликда ейиш ёки паррандани олган томон унинг қийматини қоплаб беради. Эр-хотин биринчи вариантни танлаган, товуқ пиширилиб, бирга ейилган. Овқатдан сўнг Ян электр велосипедда Ту хонимни уйига олиб борган.
Эр-хотин молиявий жиҳатдан мустақил бўлишга, аммо дўстона муносабатларни сақлаб қолишга келишган. Судья бундай ёндашув қонунга ҳам, қишлоқ урф-одатларига ҳам мос келишини таъкидлаган. Хитой қонунчилигига кўра, никоҳ даврида орттирилган барча мол-мулк умумий ҳисобланади ва тенг тақсимланади.
Изоҳ (0)