Туркияда 10 август куни 6,1 магнитудали кучли зилзила юз берди. Бу ҳақда ички ишлар вазири Али Ерликая хабар берди.
Зилзила Баликесир провинцияси Синдирғи шаҳрида 11 километр чуқурликда содир бўлган. Ер силкиниши Истанбул ва бошқа шаҳарларда ҳам сезилган. Ҳозирда зилзила туфайли ҳеч қандай салбий оқибатлар қайд этилмаган. Мутахассислар етказилган зарарни баҳолашга киришган.
Туркияда кузатилган кучли зилзила
Эслатиб ўтамиз, 2023 йил февраль ойида Туркияда Рихтер шкаласи бўйича 7,5 баллдан юқори бўлган бир нечта кучли зилзилалар кетма-кет содир бўлди. Табиий офат зонаси 11 та провинция ва қўшни мамлакатларни қамраб олди. Оқибатда 50 мингдан ортиқ киши ҳалок бўлди.
Сейсмологлар таъкидлашича, 2030 йилгача бўлган истиқболда худди шундай кучли зилзила эҳтимоли жуда катта. Бироқ унинг оқибатлари янада ҳалокатли бўлади.
Изоҳ (0)