Туркиянинг Бурса шаҳри яқинидаги Улудағ тоғ-чанғи курортидаги меҳмонхонада кучли ёнғин содир бўлди. Ҳалок бўлганлар ва жабрланганлар бор. Бу ҳақда маҳаллий Онедио нашри хабар бермоқда.
Маълум қилинишича, ёнғин туристик фаолият юритиш учун сертификати бўлмагани сабабли меҳмонлар қабул қилишдан тўхтатилган меҳмонхонада рўй берган. Воқеа жойига тезкор равишда қутқарув гуруҳлари етиб келиб, ёнғинни ўчиришга киришган.
Дастлабки маълумотларга кўра, ёнғин оқибатида икки киши жароҳат олган, яна икки кишини қутқариб қолишнинг иложи бўлмаган. Улардан бири миллий чанғи спортчиси Беркин Уста бўлган.
Қайд этилишича, ёнғин вақтида бинода 12 киши бўлган.
21 январь куни Туркиянинг яна бир тоғ-чанғи курорти — Карталкая меҳмонхонасида ҳам ёнғин содир бўлган эди. Олов хоналардан бирида чиқиб, кейин бутун бинони қамраб олган. Ўнлаб одамлар ҳалок бўлган.
Изоҳ (0)