Туркиянинг камида учта провинциясида ўрмон ёнғинлари кузатилди. Магистрал йўллардан бирида транспорт ҳаракати тўсиб қўйилди. Бу ҳақда “РИА Новости” хабар берди.
Биринчи ёнғин Измир провинциясининг Каражадағ қишлоғи ҳудудида бошланган ва уни ҳаводан ўчиришга киришишган. Туркия Мудофаа вазирлиги ўт ўчирувчиларга ёрдам бериш учун қўшимча бешта вертолёт жўнатган. Бир қишлоқ аҳолиси эвакуация қилинган.
Яна бир ёнғин Измир провинциясининг Чешме курорт ҳудудида, Гермиян қишлоғи яқинида, шунингдек, Измир-Чешме автомобиль йўли яқинида содир бўлган.
They are #burning whole life in #Turkey. Nature in #fire. #Fire in 47 regions simultaneously! pic.twitter.com/4bQQbRZ2Se
— Can DEMIR (@TCcanndemir) June 30, 2024
Чаноққалъа провинциясидаги ўт ўчирувчилар Эзине ҳудудидаги қишлоқ хўжалиги майдонларини қамраб олган ёнғинни ўчирмоқда, икки қишлоқ аҳолиси эвакуация қилинган. Бундан ташқари, Измирдаги Памужак қишлоғи яқинида ҳам ўрмон ёнғини бошланган ва тез орада қўшни Ойдин провинциясидаги Кушадаси курортидаги ўрмонга ўтган.
Селчук-Кушадаси автомобиль йўлида транспортлар ҳаракат тўхтатилган. Бу ердаги ёнғин тўртта самолёт ва бешта вертолёт ёрдамида ҳаводан ўчирилмоқда.
🇹🇷 - Wildfires are active tonight near Kuşadası, Turkey. According to @solcugazete, 44 different fire outbreaks have been recorded throughout the day in the country. | @Florian99815909 pic.twitter.com/c8PKVDVx0M
— Faytuks Network (@FaytuksNetwork) June 29, 2024
Ўтган ҳафта Туркиянинг Диёрбакир ва Мардин провинциялари ўртасида содир бўлган ўрмон ёнғинида 11 киши ҳалок бўлгани, 80 га яқин киши жароҳатлангани маълум бўлганди.
Изоҳ (0)