Туркиянинг Аланя шаҳрида қурилаётган кўп қаватли меҳмонхона биносида 27 январь куни ёнғин юз берди. Бу ҳақда А Haber хабар берди.
Дастлаб гувоҳлар ёнғинни ўчиришга уринган. Ижтимоий тармоқларда тарқалган видеоларда ҳодиса жойидан кўтарилган қора тутун осмонни қоплаб олгани кўринади. Гувоҳлар 12 қаватли бинода ишчилар бўлганини айтган. Ишчилар уларни қутқаришлари учун балконларга чиқишган.
“Мен шу ерда яшайман ва ёнғин содир бўлган жойга яқин жойда тураман. Тутун жуда кучли эди. Ёнғин меҳмонхонани таъмирлаш пайтида бошланиб кетди. Тўрт нафар ишчи ичкарида қолиб кетди, лекин уларни қутқаришга муваффақ бўлинди. Мен воқеа жойига ўт ўчирувчилардан кейин етиб келдим”, дейди воқеа гувоҳи бўлган Усмон Бойсун.
Меҳмонхонага ўт ўчириш гуруҳлари етиб келган. Бинонинг юқори қаватида қолиб кетган ишчилар қутқарилган. Уларни эвакуация қилиш учун кранлардан фойдаланилган. Аниқланишича, ёнғин пайвандлаш аппаратининг ишлаши сабаб бўлган.
Туркияда Гранд Картал меҳмонхонасидаги ёнғин: 79 киши ҳалок бўлди
Ёнғин 21 январга ўтар кечаси Болу провинциясидаги 12 қаватли ёғоч меҳмонхонада содир бўлди. Губернатор Абдулазиз Айдин ёнғин тўртинчи қаватдаги ресторан зонасида содир бўлгани ва бутун бинога тарқалганини айтган. Ўша пайтда меҳмонхонада 234 нафар киши бўлган.
CNN турк нашрининг хабар беришича, фавқулодда вазият куни ўқувчиларнинг таътиллари туфайли меҳмонхона 80-90 фоизга тўлган. Ёнғин сабаби ҳозирча аниқланмаган, тергов олиб борилмоқда, 22 январь Туркияда мотам куни деб эълон қилинган.
Шавкат Мирзиёев туркиялик ҳамкасби Ражаб Тоййиб Эрдўғонга тоғ-чанғи курортидаги ёнғин оқибатида кўплаб инсонлар қурбон бўлгани ва жиддий жароҳат олгани муносабати билан ҳамдардлик йўллади. Қардош Туркия етакчиси ва халқига чуқур таъзия изҳор этиб, давлат раҳбари марҳумларнинг оила аъзолари ва яқинларига сабр-тоқат ва бардамлик, жабрланганлар тез фурсатда соғайиб кетишини тилаган.
Изоҳ (0)