Туркиянинг Карталкая тоғ-чанғи курортидаги меҳмонхонада ёнғин чиқди. Ҳодиса оқибатида 10 киши ҳалок бўлди, 32 киши жароҳатланди. Бу ҳақда CNN Тurk хабар берди.
Ёнғин 12 қаватли ёғоч меҳмонхонада ёнғин содир бўлган ва тезда бутун бинога тарқалган. Қутқарувчилар дам олаётганларни эвакуация қилиб, курортнинг тўртта меҳмонхонасига жойлаштирган. Ўт ўчирувчилар оловни ўчиришда давом этмоқда.
Янгиланган маълумотларга кўра, ёнғин меҳмонхонанинг ресторан қисмида бошланган, ходимлар чоралар кўрган, ўт ўчирувчилар тахминан 40-45 дақиқадан сўнг воқеа жойига етиб келган.
“Ёнғинни бартараф этишда турли давлат идоралари ва ташкилотларининг 267 нафар ходими иштирок этди ва бу ишлар давом этмоқда”, деди Туркия ички ишлар вазири Али Ерликая.
Карталкая — Туркиянинг шимоли-ғарбидаги тоғ-чанғи курорти. У Болу провинциясида, Кероглу тоғ тизмаси ҳудудида жойлашган. Тоғ тизмасининг энг баланд нуқтаси — Кероглу тепеси. У денгиз сатҳидан 2499 метр баландликда жойлашган.
Изоҳ (0)