Голливуд олами ва Туркия кино саноати ҳеч қачон кесишмайдиган турфа дунёдек гўё. Ҳар бир мамлакатнинг (Голливуд мисолида АҚШ назарда тутилган) ўзига хос кино тарихи ва суратга олиш услуби мавжуд. Бу икки йўналиш томошабинлар эътиборини тортиш учун ҳатто кучли рақобатчиларга айланган. Шундай бўлса-да, кўплаб америкалик актёрлар турк сериаллар оламидаги юлдузлар билан шахсан таниш. Бугунги мақолада дизи оламини ҳурмат қиладиган Голливуд юлдузларини санаб ўтишга қарор қилдик.
Жейсон Стейтем ва Каан Урганчиўғлу
Фото: “Thegirl.ru”
Жейсон ва Каан “Фортуна операцияси: Ғалаба санъати” фильмида биргаликда суратга тушган. Унда турк актёри бош ролни ижро этган ва шу орқали шарқона актёрлик мактабини янги босқичга олиб чиқди. Агар сиз Голливуд ва Туркия фильмларини бирдек қизиқиб кўрсангиз, унда дам олиш кунлари айнан ушбу фильмни томоша қилишингизни тавсия этамиз.
Ева Лонгориа ва Ҳанде Эрчел
АҚШ, Европа ва бошқа кўплаб мамлакатлар тилига таржима қилинган “Умидсиз уй бекалари” юлдузи Ева Лонгория ва “Қалбим эшигини қоқ” сериали юлдузи Ҳанде Эрчел икки ҳамкасб сифатида дўст тутинган. 2023 йилда бўлиб ўтган Канн кинофестивалидаги суратлар буни тасдиқлайди. Дарвоқе, 2024 йилнинг баҳорида икки истеъдодли актриса Круазетдаги тадбирда ҳам иштирок этган.
Жонни Депп ва Анжелина Жоли — Чағатай Улусой
Голливуд тарихида ўчмас из қолдирган машҳур актёрлар Жонни Депп ва Анжелина Жоли турк актёри Чағатай Улусойни таниши мумкинлиги ҳақида тахминлар бор. Чунки улар бир хил агентлик билан ҳамкорлик қилади. Улар бир-бирини учратган бўлиши ёки ҳеч бўлмаса истеъдоди ва карьераси ҳақида хабардор бўлиши табиий.
Кевин Спейси ва Бурак Ўзчивит
Актёрлар бундан икки йил аввал — 2022 йилнинг декабрь ойида Қатарда учрашишган. Кевин Спейси “Картали уй” ва “Суперменнинг қайтиши” каби фильмлари орқали танилган. Бурак, ўз навбатида, машҳур Кевиннинг туркча вариантидир: уларнинг иккиси ўз юртида катта ҳурмат ва эътирофга лойиқ кўрилади.
Жижи Ҳадид ва Кендалл Женнер — Мелисса Асли Памук
Памук хоним Мессика номли француз заргарлик брендининг Туркиядаги амбассадори. Мазкур брендни супермодел дугоналар —Жижи Ҳадид ва Кендал Женнер тақдим этган. Шу сабабли, Мессика томонидан ташкил этилган ижтимоий тадбирлардан бирида Голливуд ва Туркия юлдузлари яқиндан танишган бўлиши мумкин.
Антонио Бандерас ва Керем Бурсин
“Қалбим эшигини қоқ”, “Қуёшни кутиш” каби сериаллар билан машҳурликка эришган актёр Керем Бурсин Испанияга навбатдаги сафари пайтида Голливуднинг серқирра юлдузи Антонио Бандерас билан танишган. Эҳтимол, икки истеъдод бир лойиҳада суратга тушиш ғоясини илгари сурар?
Анжелина Жоли — Ҳалук Билгинер
Фото: “Thegirl.ru”
“Шахсият” сериалидаги роли учун “Энг яхши инглиззабон бўлмаган актёр” номинациясини қўлга киритган Ҳалук Билгинер Анжелина Жоли билан “Мария” фильмида бирга суратга тушган.
Жош Ҳьюстон — Мерт Рамазон Демир
“Қўрғон сирлари” фильмидаги келишган Ферит исмли қаҳрамон “Тор: Севги ва чақмоқ” фильмида суратга тушган Жош Ҳьюстон билан яқиндан таниш. Кўпчилик бу икки юлдузнинг ташқи томондан жуда ўхшаш эканлигини ҳам қайд этган. Айниқса бундай ўхшашлик Yves Saint Laurent бренди томонидан ташкил этилган юлдузли кечада яққол кўзга ташланди.
Изоҳ (0)