Жорий йил 19 декабрда экранларга чиқиши режалаштирилган “Аватар: Олов ва кул” фильми франшизадаги энг узоқ давом этадиган фильм бўлади, дея хабар берди Жеймс Кемерон Empire нашрига.
Режиссёрнинг сўзларига кўра, “Аватар: Сув йўли” фильми учун ўйланган ғоялар жуда кўп эди, аммо қаҳрамонларнинг характери етарлича ривожланмаган ва чуқур кирилмаган эди.
“Фильмдаги воқеалар худди тезюрар поезд каби ҳаракатланар эди. Турли-туман саргузаштларнинг кўплиги эса қаҳрамонларга етарлича эътибор беришга тўсқинлик қилди”, дея тушунтирди Кемерон.
“Аватар: Сув йўли” фильми 192 дақиқа, “Аватар” нинг биринчи қисми эса 162 дақиқа давом этган. Янги фильмни суратга олиш вақти ҳали ошкор этилмаган.
Режиссёр франшиза барча учун қизиқарли бўлиши учун хавфли, аммо жиддий ўзгартиришлар киритишга қарор қилиш муҳим эканлигини таъкидлади. “Аватар”нинг биринчи ва иккинчи қисмида томошабинлар Пандоранинг ажойиб дунёси ва унинг турфа маданияти билан танишган бўлса, учинчи қисмда ушбу оламнинг янада мураккаб қирралари ёритилади ҳамда сюжетга чуқурроқ кириб борилади.
Франшиза энг муваффақиятли лойиҳалардан бири бўлиб қолмоқда. Унинг дастлабки икки қисми бутун дунё бўйлаб 5,2 миллиард доллардан кўпроқ даромад келтирган.
Изоҳ (0)