Режиссёр Жеймс Кемерон Empire журналига “Аватар” фильмининг учинчи қисмини яратиш жараёни ҳақида интервью берди. Унинг сўзларига кўра, иккинчи сарлавҳаси “Олов ва кул” деб аталадиган фильм кутилмаган сюжет ва ранг-баранг воқеаларга бой бўлади.
Режиссёр франшиза барча учун қизиқарли бўлиши учун хавфли, аммо жиддий ўзгартиришлар киритишга қарор қилиш муҳим эканлигини таъкидлади. “Аватар”нинг биринчи ва иккинчи қисмида томошабинлар Пандоранинг ажойиб дунёси ва унинг турфа маданияти билан танишган бўлса, учинчи қисмда ушбу оламнинг янада мураккаб қирралари ёритилади ҳамда сюжетга чуқурроқ кириб борилади.
Жеймс Кемерон томошабинларнинг фильмдан катта ишлар кутишини билган ҳолда уларнинг ишончини оқлашни исташини, аммо фильмга янгилик киритиш масаласи ўзига хос мураккаб эканлигини тан олди:
“Агар сиз йирик ўзгаришларга олиб борадиган қарорни қабул қилишдан қўрқсангиз, вақтингизни ва пулингизни беҳуда сарфлайсиз, аммо, ҳатто бу ҳам етарли эмас — ҳар сафар анъанавий ёндашувдан қочиш ва шаблонларни бузиш керак бўлади”, дейди режиссёр.
“Аватар: Олов ва кул” фильми жорий йил 19 декабрда экранларга чиқиши режалаштирилган.
Изоҳ (0)