Янги йил ҳақидаги барча учун севимли ва классикага айланган фильмлар ҳақида гап кетганда кўпчиликнинг кўз олдида дарҳол “Уйда ёлғиз” фильми гавдаланади. Ушбу фильмда актёр Маколей Калкин ўзининг зукко ва эпчил Кевин роли билан миллионлаб томошабинлар қалбини забт этган. Комедия жанридаги мазкур фильм 30 йилдан ортиқ вақт давомида ўз машҳурлигини йўқотмай келмоқда. Бироқ касса даромадлари натижаларига кўра, 2018 йилда премераси бўлиб ўтган “Гринч” анимацион фильми Янги йил ҳақидаги барча лойиҳалар орасида етакчилик қилмоқда.
Мазкур мультфильм 1957 йилда нашр этилган “Гринч қандай қилиб Рождествони ўғирлади?” асарининг замонавий ва мослаштирилган вариантидир. Фильм бош қаҳрамони Гринч афтидан ғараз ниятли, аммо кулгили ва меҳрибон бўлади. Ушбу фильм дунё кассалари бўйлаб 540 миллион доллардан ортиқ даромад кўрган.
Аммо Янги йил ҳақидаги фильмларнинг ишлаб чиқариш бюджетлари ҳам сезиларли даражада фарқ қилади. Масалан, “Уйда ёлғиз” фильми атиги 18 миллион долларга суратга олинган бўлса, “Гринч” анимацион фильмининг ишлаб чиқариш харажатлари 75 миллион долларни ташкил қилган.
Қуйида МериСтатион порталига кўра энг кўп даромад келтирган Янги йил ҳақидаги фильмларининг рўйхатини тақдим этамиз:
1. “Гринч” (2018) — 540 миллион доллар
2. “Уйда ёлғиз” (1990) — 476 миллион доллар
3. “Элвин ва бурундуқлар” (2007) — 365 миллион доллар
4. “Уйда ёлғиз 2: Нью-Ёркда йўқолиб қолган Кевин” (1992) — 359 миллион доллар
5. “Гринч: Рождество ўғриси” (2000) — 346 миллион доллар
Изоҳ (0)