Одатда фильмларнинг муваффақияти унинг ортидан келадиган даромад билан баҳоланади. Қуйида турли жанр ва бир нечта мезонлар билан ўлчанган энг кассабоп картиналар ҳақида ҳикоя қиламиз.
“Қасоскорлар: Интиҳо” — Энг кўп даромад келтирган фильм ва биринчи дам олиш кунларидаги энг юқори касса
Фильм 2019 йили катта шоу-шувга сабаб бўлди ва бунинг ҳеч ҳам ажабланарли жойи йўқ, чунки миллионлаб одамлар учинчи қисми орқали 10 йил олдин бошланган воқеалар қандай тугашини интиқлик билан кутган. Фильм биринчи дам олиш кунларининг ўзида 357 миллион доллар келтирди ва бу кинематография тарихидаги мутлақ рекорд ҳисобланади. Кўплаб фильмлар ҳам бунча маблағни нафақат прокатдаги намойиш вақтида, балки стриминг сервисларга сотиш орқали ҳам ишлаб топа олмайди. “Қора бева” фильмининг тўртинчи босқичи бутун прокат давомида 379 миллион ишлаган. Бундан ташқари, фильм икки йил давомида энг кўп даромад келтирган картинага айланди. Умумий жамғармаси қарийб 2,8 миллиард долларни ташкил қилди. Ҳатто “Аватар”дан ҳам ўзиб кетди. Лекин 2021 йилда Жемйс Кэмерон фильмнинг янги қисмини чиқарди ва яна биринчи ўринга қайтди.
“Қирол Шер”— PG рейтинги бўйича энг кўп даромад келтирган фильм
Америка кинофильмлар ассоциацияси рейтинг тизимида бешда — G, PG, PG-13, R вa NC-17 номинациялари мавжуд. Машҳур мультфильм сюжетини такрорловчи “Қирол Шер” фильми PG рейтингига лойиқ кўрилди, яъни у ҳеч қандай чекловларсиз тавсия этиладиган фильм. Бундай фильмлар талайгина ва улар кўпинча катта даромад олиб келади, аммо “Қирол Шер” 1,663 миллион доллар билан бошқаларни ортда қолдирди. Бундан ташқари, у энг юқори даромад келтирган фильмлар рўйхатида тўққизинчи ўринни эгаллади.
“Joker” — R рейтинги бўйича энг кассабоп фильм
R рейтинги бўйича, яъни катта томошабинлар учун мўлжалланган фильмлар бўйича. Одатда G, PG ва PG-13 рейтингдаги фильмларга қараганда анча кам даромад келтиради, чунки R рейтинги аудиторияси тор ва фақат катта ёшдаги томошабинларидан пул ишлашга мажбур. Бундай рейтингга эга бўлган фильмлар ярим миллиард доллар йиғиши жуда кам учрайди, лекин “Joker” катта муваффақиятга эришди. Бутун прокат даври мобайнида 1,078 миллиард доллар ишлаб топди.
“Музюрак-2” — Энг юқори даромад келтирган анимацион фильм
Мультфильмларни ишлаб чиқариш жараёни қиммат ва бу реклама компанияларини ҳисобга олмаганда, улар баъзан суратга олишнинг ўзидан ҳам қимматроқ туради. Энг кўп даромад келтирган фильмлар қаторига “Ҳайвонлар шаҳри”, “Дорини излаб”, “Яхши бўлиш осонми”, “Ўйинчоқлар ҳикояси: Буюк қочиш”, “Ўйинчоқлар тарихи” “Ўйинчоқлар тарихи-4”, “Супер оила-2” — буларнинг барчаси бир миллиард доллардан ортиқ даромад келтирган. “Супер оила-2” мультфильми 1,334 миллиард тўплади ва “Музюрак-2” картинасининг натижасига эришиш учун бор йўғи 100 миллион етмади.
“Аватар: Сув йўли” — Пандемиядан кейинги дастлабки 2 миллиардли фильм
Пандемия кинематографияга ҳам ўз таъсирини ўтказди. Кўплаб студиялар ва телевидениелар лойиҳаларини суратга олишни тўхтатди. Шу сабабдан томошабинлар бир йил давомида янги фильмларсиз қолди. Пандемия сабабли баъзи бир чекловлар ҳали ҳам ўз кучида бўлса-да, яхши пул келтирган кўплаб фильмлар бор. Масалан, “Супер ака-ука Мариолар”, “Топ Ган: Меверик”, “Ўргимчак одам: Уйга йўл йўқ”, “Доктор Стренж: телбалик мултидунёсида” ва бошқалар. Лекин улар орасидан фақат “Аватар: Сув йўли” фильми 2 миллиарддан ортиқ даромад олишга муваффақ бўлди. Жеймс Кэмерон фильмнинг бўлажак давоми учун пойдевор қўйган фильмни яратди ва бу учун 2,320 миллиард ишлади.
“Ўргимчак одам: Оламлар тўри” — Энг юқори даромад келтирган анимацион комикс фильм
Сўнгги вақтларда Marvel студияси мухлисларни ҳайратда қолдирмоқда. Яъни, қизиқарсиз ва муваффақиятсиз картиналар билан салбий маънода ҳайратлантирмоқда. Лекин истисно ҳолатлари ҳам бор. Улардан бири “ Ўргимчак одам: Оламлар тўри”. Ушбу анимацион фильмнинг бюджети биринчи қисмга нисбатан атиги 10 миллионга кўп, лекин касса тушумлари деярли икки баравар кўп, яъни 688 миллион долларни ташкил қилди.
“Барби” — Энг кўп даромад келтирган аёл режиссёр фильми
Ҳозирги кинематографияда аёл режиссёрларнинг борлиги янгилик эмас ва кино оламида ўзларининг муҳим изларини қолдирмоқда. Лекин ҳаммаси ҳам кассабоп фильмлар бўйича мақтана олмайди. Агар барча Грета Гервигга ўхшаганда эди, эркак режиссёрлар фонида қолиб кетмаган бўларди. Унинг “Барби” фильми бюджети 145 миллион долларни ташкил қилиб, 1,441 миллиард доллар даромад олиб келди ва бу миқдор ҳамон ўсиб бормоқда.
Шунингдек, “Барби” фильми биргина аёл режиссёр томонидан суратга олинган биринчи миллиард долларлик фильмдир. “Капитан Mарвел”, “Музюрак” фильмлари ҳам миллиард доллардан ортиқ даромад олиб келган, лекин уларда режиссёрлик курсида иккита одам ишлаган.
“Оппенгеймер” — Энг юқори даромад келтирган биографик фильм
Биографик фильм — кинодаги энг яхши жанрлардан бири. “Яшил китоб”, “Шиндлер рўйхати”, “Ижтимоий тармоқ” ва бошқа кўплаб фильмлар шулар жумласидан. Шу билан бирга, фильмнинг сюжет марказида фақатгина таржимаи ҳол уларни бирлаштирган ягона омил эмас. Одатда бундай фильмлар кассаси нисбатан камроқ даромат келтиради. Лекин режиссёр Кристофер Ноланнинг “Оппенгеймер” картинаси 950 миллиондан ортиқ пул ишлади.
Изоҳ (0)