Дунёга машҳур режиссёр Жеймс Кемероннинг “Аватар: Сув йўли” фильми дунё бўйлаб энг кўп даромад келтирган кинокартиналар сафига киритилди. Фильмда рол ижро этган актёрлар ҳам янада машҳурликка эришиб, томошабинлар эътирофига сазовор бўлди, бироқ бир қарашда унда қайси актёрлар рол ижро этганини билиб бўлмайди. Айниқса, фильмнинг бош қаҳрамони Жейк Салли образини ижро этган Сем Уортингтон махсус эффектларсиз ҳаётда қандай кўринишга эга?
Австралиялик актёр Сем Уортингтон 1976 йил 2 августда Годалминг, Суррай, Англияда туғилган. Унинг оиласи Семнинг ёшлигида Австралияга кўчиб ўтган ва у Перт шаҳри яқинидаги Варнбро шаҳрида ўсган. Уортингтон Фремантлдаги Жон Кертин Санъат Коллежида таҳсил олган, аммо уни тамомламаган. 19 ёшида у Сиднейга кўчиб ўтиб, турли қурилиш ишларида фаолият олиб борган ва кейинчалик Австралиянинг Миллий Драматик Санъат институтига ўқишга кирган.
У нафақат “Аватар”даги роли, балки “Терминатор” ва “Титанлар жанги” каби бошқа фильмлардаги образлари билан ҳам машҳур. “Аватар: Сув йўли” да актёр ижросидаги Жейк Салли сюжетга кўра адолат учун кураш, муҳаббат ва табиат билан уйғунлик рамзига айланган. Фильмда унинг қаҳрамони собиқ ерлик бўлиб, фильмда Наъвида Оматикая уруғининг раҳбари бўлади.
Ҳақиқий ҳаётда у фантастик фильм қаҳрамонидан буткул бошқача кўринишда. У австралиялик модел Лара Бинглга уйланган. Улар уч нафар фарзандни тарбиялашмоқда ва актёрнинг машҳурлигига қарамай, оддий ҳаёт кечиришни афзал кўришади. Уортингтон карьераси давомида турли жанрлардаги фильмларда иштирок этиб, халқаро миқёсда машҳурликка эришди ва замонавий кинематографияда муҳим ўрин эгаллади.
Кундалик ҳаётда эса у кўпинча жамоат тадбирларида кўринмайди, аксинча, оиласи билан кўпроқ вақт ўтказишни маъқул кўради.
Қизиқарли факт: Сем Уортингтонни “Аватар” фильмидаги бош ролга тасдиқлашдан олдин режиссёр Жеймс Кемерон бу ролни Метт Деймонга таклиф қилган, аммо Метт рад этган, чунки у навбатдаги “Борн” фильмининг суратга олиш ишлари билан банд бўлган. Кейинчалик актёр бу ролни рад этганидан афсусда эканлигини тан олган.
Изоҳ (0)