Суратга олиш жараёнида Голливуд юлдузларини ҳақиқатан ҳам қўрқитиб юборган саҳналар

Баъзида кинода суратга тушиш актёрлар учун хавф туғдиради: суратга олиш экстремал шароитларда бўлиши мумкин ёки аксар эпизодлар муайян тайёргарликни талаб қилади. Юлдузлар роль ўйнаш жараёнида баъзи фобияларга ҳам дуч келади.

“Бир вақтлар... Голливудда” (2019)

Леонардо Ди Каприо қаҳрамони актёр Рик Далтон ўзи суратга тушган фильмда огнемётдан фойдаланган саҳнадан асабийлашади. Каскадёрлар бўйича координатор Роберт Алонсо Лео каскадёрлардан бирини хафа қилиб қўйишидан қўрққанини айтади. Юлдузни тинчлантириш учун Роберт машқ пайтида ўзини ёқишга рухсат беради. Шундай қилиб Ди Каприо каскадёр бутунлай хавфсиз эканлигига ишонч ҳосил қилади. Бироқ кейинчалик Леонардо карьерасида биринчи марта огнемётдан отган кунни “ҳақиқатан ҳам машаққатли” деб атайди.

“Аватар: Сув йўли” (2022)

Жеймс Кэмэрон блокбастерининг кўплаб асосий саҳналари сув остида суратга олинади ва бу Нейтири ролини ижро этган Зое Салданани жуда қўрқитади. 

“Ролни қўлга киритмагунингизча ўзингизни ҳар нарсага тайёрдек кўрсатасиз. Режиссёрга ҳам ҳаммасини уддалайман, дейсиз, аммо кейин қўрқув бошланади”, дейди у.

Сув остидаги эпизодларда иштирок этган актёрлар интенсив машғулотлардан, жумладан, нафасни ушлаб туриш машқларидан ўтишади. Салдана сув остида беш дақиқагача нафас олмасликни уддалайди.

“Сув остида” (2020)

Кристен Стюарт бурғилаш станциясининг бошқа ходимлари билан бирга Мариана ботиғи тубида 11000 метр чуқурликда қолиб кетган қиз Нора Прайс ролини ўйнайди.

Актрисанинг таъкидлашича, роль сабаб у сувдан ваҳимага тушишни енгишга ҳаракат қилиши керак эди. “Бу ҳақиқатан ҳам қийин эди”, деб тан олади Кристен. Актриса айнан шу фильмнинг суратга олиш ишларидан нафратланишини ва ўша кадрларни эслашни хоҳламаслигини айтади.

“Торт” (2014)

“Торт” драмасида Женнифер Энистоннинг қаҳрамони Клэр сурункали оғриқ ва гиёҳвандликка қарши курашда сув терапияси олади. Бундай саҳналар бир нечта бўлган ва актриса уларда жуда қийналган, чунки у сув остига шўнғишдан жуда қўрқарди.

Бу қўрқув ёшлигида уч ғилдиракли велосипедда ҳовузга тушиб кетгани, акаси уни қутқармагунча рулни қўйиб юбормагани ва ташқарига сузиб чиқа олмагани сабабли пайдо бўлган.

“Юра даври олами 2” (2018)

Динозаврлар ҳақидаги франшизанинг бир эпизодида Брайс Даллас Ҳовард ва Жастиса Смит ўйнаган Клэр ва Франклин гиросферада жардан қулаб тушади. Режиссёр Хуан Антонио Байона уларнинг реакциялари имкон қадар реал бўлишини хоҳлайди. Брайснинг таъкидлашича, суратга олиш пайтида у жуда қўрқиб кетган, ҳатто ҳаддан ташқари қўрқув сабаб ҳушидан кетган.

“У 2” (2019)

Машҳур роман асосида суратга олинган фильмда Билл Ҳейдер Пеннивайс билан тўқнаш келган эпизоддан жуда қўрққан. “У 2” комедик роллари билан танилган актёр карьерасидаги биринчи даҳшатли фильм эди. 

“Мен асабийлашганда ёки қўрқиб кетганимда куламан, бу жуда бемаъни кўринади”, деб тушунтиради Билл.

“Дюна” (2021)

Ребекка Фергюсон Франк Гербертнинг илмий-фантастик романига асосланган фильмнинг биринчи қисмини суратга олишда қийналади. Юлдуз клострофобик, шунинг учун у қаҳрамони Жессика хоним ва Тимоти Шаламе ролини ўйнаган Пол орнитоптерда учадиган саҳналарда суратга тушишдан қўрқади.

“Уддалаб бўлмас топшириқ” (2015)

Ребекка Фергюсон унинг қаҳрамони Илса ва Том ўйнаган Итан Ҳантнинг опера театри томидан сакраши керак бўлган эпизоддан ваҳимага тушади.

Бу саҳна суратга олишнинг биринчи кунида бўлиб, актриса “Том Крузнинг қулоғига ҳаётидаги энг беҳаё сўзларни айтиб бақирганини” эслайди. Актриса 4,5 метр баландликдан “қулаш” пайтида ўзини хавфсиз ва қулай ҳис қилишини таъминлаш учун каскадёрлар жамоаси билан яқиндан ҳамкорлик қилади.

“Код 355” (2022)

Лупита Нионго Саймон Кинберг фильмида Хадича ролини ўйнаб, кўплаб трюкларни ижро этса-да, баландликдан жуда қўрқади.

Юлдуз дарҳол у билан ишлайдиган каскадёрлар гуруҳига баландликдан қўрқишини айтади. “Биринчи марта пастга тушаётганимда роса бақирганман”, деб эслайди актриса.

“Йўқ” (2022)

Бир неча йил олдин Дэниел Калуя от минганда қаттиқ жароҳатланган. Ўшандан бери актёр отлардан қўрқиб қолади, лекин барибир Жордан Пиленинг фантастик фильмида иштирок этиш учун қўрқувини енгишга ҳаракат қилади.

Дениел чорвадор ва тажрибали чавандоз Ожайни ўйнай оладими ёки йўқлигини билиш учун атиги бир ҳафта вақти бор эди. Актёр от миниб, улар атрофида ўзини қулай ҳис қилиши учун отлар тагини тозалаб юрган. Бироқ суратга олиш пайтида барибир ваҳимага тушган.