Фильмлардаги ҳаяжонли саҳналарни томоша қилган мухлислар кўпинча ҳар бир кадр ортида нималар борлигини билмайди. Қуйида машҳур фильмлардаги актёр ва режиссёрларнинг бошқа ракурсдаги фотосуратларини тақдим этамиз.
“Пўлат одам”
Генерал Зод ролини ижро этган Майкл Шеннон ўз қаҳрамони костюмида эмас, балки CGI махсус кийимида ишлаган, чунки ҳақиқий костюм жуда ноқулай ва оғир бўлган ва Майкл қаҳрамон ҳаракатларини бажара олмаган.
“Темир одам-2”
“Темир одам” фильмининг иккинчи қисмида Родини энди Терренс Ҳовард эмас, Дон Чидл ижро этган. Терренс ўз ролига қайтиши мумкин эди, лекин у Кичик Роберт Даунидан анча кам гонорар олишини билгач, студия билан мунозара қилди. Шу сабабли актёр ҳам ролидан, ҳам кичик Даунидек дўстидан маҳрум бўлди.
“Матрица”
Гарчи кинодаги воқеалар АҚШда бўлиб ўца ҳам, фильм Австралияда суратга олинган. Керакли жойларни топиш учун масъул бўлган ишчилар Австралияда катта муаммога дуч келишган, чунки Сиднейда улар АҚШни тасвирлаш учун ифлос ва қаровсиз қолган жойларни топа олмаган. Натижада кўплаб саҳналар компьютер графикасида яратилган.
“Суперменнинг қайтиши”
Супермен ролини Брендон Роут ижро этган, аммо актёр бу ролни йўқотишига бир баҳя қолган. Кастингдан аввал у режиссёр Брайан Сингер билан кафеда учрашади ва тасодифан стол устига қаҳва тўкиб юборади. Брендон бу қилмиши туфайли ролини қўлдан бой берди, деб ўйлайди, лекин Сингерга бу аҳамиятсиз бўлади.
“Жон Уик-3”
Франшизада Киану Ривз биринчи марта мототциклга минган кадрлар олинади. Ҳаётда актёр моҳир мотоцикл ҳайдовчиси бўлса-да, “Жон Уик” ва “Жон Уик-2” да у фақат машинада юргани тасвирланган. Ривз гавжум кўчалар бўйлаб мототциклда каскадёрлик қилишга тайёр бўлишига қарамай, у бошқа одамлар томонидан бошқарилган махсус ускунага ўтирган.
“Аватар”
Жеймс Кемерон “Аватар” фильми ғоясини 90 йилларнинг бошларида ўйлаб топган, лекин у вақтда кино технологияси ҳали етарли даражада ривожланмаган. “Узуклар ҳукмдори: икки қалъа” фильми намойиш этилгандан кейин ҳаммаси ўзгарди. Кемерон Питер Жексоннинг ишини кўрди ва технологиялар талаб даражасига етганини англади.
“Дедпул”
Райан Рейнолдс кўп йиллар давомида Дедпулнинг ашаддий мухлиси бўлган ва ушбу образни гавдалантиришни доим орзу қилган. Натижада у 20th Century Fox студияси билан келишувга эришди ва бир кун келиб ўзи якка ҳолда ўйнайдиган фильмини суратга олишига кафолат олди. Фақат режиссёрлар унга бир шарт қўяди: бундан аввал Рейнолдс “Ғаройиб одамлар. Ибтидо. Росомаха” фильмида Дедпул ролини ўйнаши лозим бўлган.
“Кариб денгизи қароқчилари: ўликлар эртак айтмайди”
“Кариб денгизи қароқчилари” франшизасидаги айнан шу қисм энг паст рейтингга эга. Унинг сценарийси, графикаси ижобий баҳоланмаган. Ҳатто Жонни Деппнинг фильмга қайтиши ҳам вазиятни яхшиламаган. Суратга олиш пайтида у Эмбер Ҳёрд билан ажрашаётган эди, суд ишлари туфайли Депп тез-тез суратга олиш майдонига кечикар, сёмка гуруҳи уни соатлаб кутишга мажбур бўлар эди.
“Юлдузлар жанги”
Замонавий технологиялар ҳали юқори даражада ривожланмагани сабабли режиссёр Жорж Лукас ва унинг жамоаси ноодатий усулларда фантастик саҳналарни яратган. Улар турли хил асбоб-ускуналар, сайёраларнинг миниатюр моделларини ясаш орқали махсус эффектлардан кам фойдаланган ҳолда фильмни суратга олишган.
“Қасоскорлар: чексизлик жанги”
Актёрлар фильм премьерасидан аввал сценарийси ёки финали қандай бўлишини ошкор қилиб қўйган пайтлар бўлган. Масалан, Уилл Смит япон журналистларига “Мен афсонаман” фильми қандай тугаши ҳақида айтиб юборган. Шу сабабли “Қасоскорлар” режиссёри Том Ҳолланд Марк Руффалога сценарийнинг фақат ўзига тегишли бир қисмини ўқишга рухсат берилган.
“Қасоскорлар: финал”
“Қасоскорлар: финал” премьераси икки кун ичида аввалги касса рекордларини янгилади. Бу кино тарихидаги икки кун ичида миллиард доллар йиғган биринчи фильм бўлди ва бир неча йил давомида кино кассаларида энг юқори рейтингга эга лойиҳа бўлиб қолди.
“Доктор Стрейнж: телбалик олами”
Дастлаб “Доктор Стрейнж: телбалик олами” Р рейтингига эга бўлган биринчи Marvel фильми бўлиши керак эди, бунинг учун сценарий бир неча марта қайта ёзилган. Натижада фильм яна бир супер қаҳрамонлар ҳақидаги одатий жанговар фильмга айланди. Биринчи Р рейтингли фильм номи эса “Дедпул ва Росомаха”га насиб этди.
“Капитан Marvel”
Marvel актёрлари кўпинча ўта махфий тартибда ишлайди ва ҳатто сценарийни ўрганиш учун актёрларга матнни уйга олиб кетишга рухсат берилмайди. Бри Ларсон ҳам худди шундай вазиятга дуч келди. Унга ўзининг сатрларидан бошқа барча сўзлар беркитилган сценарий матни берилди. Суратга олиш майдонида эса режиссёр, оператор ва бир нечта ишчидан бошқа ҳеч ким қатнашмади. Бри билан бўлган лавҳа яшил экран фонида суратга олинди ва кадр фильм охирида керакли кадрга жойлаштирилди.
“Қасоскорлар: финал”
“Қасоскорлар: финал” фильми сценарийсини тўлиқ ўқишга муваффақ бўлган актёр бу Кичик Роберт Дауни бўлди. Бошқа бирорта актёрга тўлиқ сценарий берилмаган.
Изоҳ (0)