“Гарри Поттер” франшизасининг ашаддий мухлисларини хурсанд қилган ҳолда, уларнинг севимли актёрлари биргаликда иштирок этган бошқа фильмлар ҳақида ҳам маълумот берамиз.
“Алиса мўжизалар мамлакатида”
-syOtXZz9.png)
19 ёшли Алиса Кингсли ўзи хоҳламаган унаштирув маросимига тайёргарлик кўради, бироқ сўнгги лаҳзада ғойиб бўлади ва тушида кўрган Мўжизалар мамлакатига тушиб қолади. Фильмдаги Қизил қиролича ролини Беллатрис Лестренж образи билан машҳур бўлган Ҳелена Бонем Картер ўйнаган. Ундан ташқари, фильмда Френсис де ла Тур, Алан Рикман, Пол Уайтхаус, Тимоти Сполл, Имелда Стонтон ва Гарри Тейлор ҳам иштирок этган, фақатгина дубляж жараёнида.
“Шерюрак”
-fwuFn-GU.png)
“Шерюрак” америкалик Мел Гибсон фильми бўлса-да, унда кўплаб европалик актёрлар рол ўйнаган ва улардан тўрттаси кейинчалик “Гарри Поттер”нинг турли қисмларида иштирок этган. Брендан Глисон “Гарри Поттер” фильмида бир вақтнинг ўзида Аластор Грюм ва сохта Аластор Грюм ролини ўйнаган. Унга кейинчалик Девид ЎХара, Питер Меллан ва Майкл Бирн ҳам қўшилади.
“Аждар юраги”
-TUOFsrk_.png)
Қўзғолон пайтида шаҳзода Эйнон жиддий жароҳат олади. Тирик қолган Эйнон отасидан яхшироқ ва меҳрибонроқ қирол бўлишига умид қилган ақлли аждаҳо уни қутқаради. Бироқ кейинчалик қирол бўлган шаҳзода бу умидларни оқламайди, ҳатто аксинча отасидан баттар бўлади.
Фильмдаги бош ва иккинчи даражали роллар Девид Тюлис, Жейсон Айзекс ва “Азкабан маҳбуси” фильмида Мадам Росмерта ролини ўйнаган Жули Кристига насиб этди. Кўпчилик ишонмаслиги мумкин, аммо фильм чиққан пайтда у 64 ёшда эди.
“Нью Йорк тўдалари”
-iXh_lzws.png)
“Қассоб Билл” лақабли Уилям Каттинг ўзининг ашаддий душманини йўқ қилади, лекин унинг ўғли қочиб кетади. Йиллар ўтиб, ўғил улғаяди ва отаси учун қасос олишга қарор қилади, аммо бунинг учун у тўда тўплаши керак. Жим Бродбент ва Брендан Глисонга иккинчи даражали роллар берилади.
“Вақт қўриқчиси”
-lVl0bjiO.png)
Гарчи “Вақт қўриқчиси” томошабин ва танқидчилар томонидан ижобий қабул қилинган бўлса-да, шунингдек, “Гарри Поттер” юлдузларидан ташқари, Эйса Баттерфилд, Бен Кингсли, Саша Барон Коэн, Кристофер Ли ва Жуд Лоу ҳам иштирок этган ажойиб актёрлар таркибини тўплаган бўлса-да, кассада омадсизликка учради. Ҳатто “Гарри Поттер”даги Нарсисса Малфой, Максим хоним ва Вернон Дурсл ролида порлаган Хелен Маккрори, Френсис де ла Тур ва Ричард Гриффиц ҳам вазиятда лойиҳани қутқара олмади.
“Қирол нутқи”
-5qWcNY6o.png)
“Қирол нутқи” бадиий фильми болалигида дудуқланишдан азият чеккан ва фуқаролари олдида нутқ сўзлай оладиган шахсга айланиш учун катта меҳнат қилган қирол Георг VI ҳақида ҳикоя қилади. Нисбатан кичик 15 миллион бюджет билан фильм 414 миллион доллар йиғиб, хитга айланади. Фильмда Колин Фертдан ташқари Ҳелена Бонем Картер, Майкл Гамбон ва Тимоти Споллни ўз ичига олган актёрлар таркиби бор эди. Питер Петтигрю образи билан машҳур бўлган актёр эса Черчилл ролини ўйнайди.
“Менинг қаттиқўл энагам”
-D3ve5LhA.png)
“Менинг қаттиқўл энагам” “Энага Матилда” китоблар сериясининг биринчи фильми эди. Гарчи у кассада катта пул ишлаб топган бўлса-да, Ғарб томошабинлари уни жуда совуққонлик билан қабул қилишади.
“Менинг қаттиқўл энагам” фильмида Эмма Томпсон ва Имелда Стонтон яна биргаликда рол ўйнашади, уларга қўшимча равишда Келли МакДональд қўшилади — у “Гарри Поттер”да Елена Когтевран ролини ўйнаган. Дастлаб Элена ролини Кейт Уинслетга таклиф қилишган, аммо унинг агенти рад этган. Уинслет бу ҳақда билгач, “Гарри Поттер”да ўйнашга қарши эмаслигини айтади.
“Ақл ва туйғу”
-4Qgg3pGe.png)
Алан Рикманнинг биринчи ёрқин романтик ролларидан бири “Ақл ва туйғу” фильмидаги полковник Брендон эди. Ўшанда Рикман ниҳоят ўзини оммага драматик актёр сифатида кўрсатади. У кўп жиҳатдан Жон Уиллоуби ролини ўйнаган романтик жанр устаси Хю Грантни ҳам ортда қолдиради. Фильмда икки актёрга Эмма Томпсон, Имелда Стонтон, Роберт Харди, Жемма Жонс ва “Гарри Поттер”даги бир нечта фильмларда Поппи Помфри хоним ролини ўйнаган Элизабет Сприггз партнёр бўлган.
“Суини Тодд, Флит-стритдаги иблис сартарош”
Тим Бёртон америкалик режиссёр бўлишига қарамай, кўпинча фильмларида британиялик актёрларни суратга олган. “Суини Тодд, Флит-стритдаги иблис сартарош” бунга яна бир мисолдир. Жонни Депп, Ҳелена Бонем Картер, Алан Рикман ва Тимоти Сполл асосий таркибда бўлиб, кичик қаҳрамонлардан бири Жейми Кемпбелл Бауэрга насиб этади.
“Қора либосли аёл”
-luoq3wE5.png)
2012 йилда Дэниел Рэдклифф биринчи марта қўрқинчли фильмда рол ўйнади. Бу “Қора либосли аёл” бўлиб, у арвоҳлар яшайдиган уйга кириб қолган эркак ҳақида ҳикоя қилади. Дэниэл учун мазкур фильм “Гарри Поттер”дан ташқари биринчи образ эди — 15 миллион долларлик бюджетга эга фильм деярли 130 миллион даромад келтиради. “Қора либосли аёл” фильмидаги муҳим роллардан бирини Аберфорт Дамблдор образини яратган Kиaран Хайндс ўйнайди.
Изоҳ (0)