Фильмларнинг асосий вазифаси нафақат томошабинни хурсанд қилиш, балки ижодкорларга пул олиб келишдир. The Numbers веб-сайти Голливуд кино саноатидаги кўплаб юлдузларнинг ролларини таҳлил қилди ва максимал даромад келтирганлар рейтингини тузди.
Анжелина Жоли – 23-ўрин
Голливуд гўзалларидан бири Анжелина Жоли карерасини 7 ёшида бошлаган. Ўшандан бери уни мунтазам равишда кўплаб ажойиб фильмларда кўриш мумкин. Иккита “Оскар” мукофоти Жоли нафақат соҳибжамол, балки турли образларни ўйнай оладиган истеъдодли актриса эканлигини исботлайди. Унинг тижорий жиҳатдан энг муваффақиятли фильмлари орасида “Малефисента” фильми ва “Кунг-фу панда” мултфильми бор.
Дуэйн Жонсон – 21-ўрин
Дуэйн Жонсон ташқи кўриниши билан томошабин эътиборини ўзига торта олади. Кўплаб фильмларининг кассаси эса буни тасдиқлайди. Жонсон иштирокидаги энг муваффақиятли лойиҳалар “Моана” мультфильми, “Форсаж: Хоббс ва Шоу” спин-оффи ва “Жуманжи” фильмининг иккала қисмидир.
Ҳелена Boneм Картер - 18-ўрин
Ёрқин ва эксeнтрик Ҳелена Boneм Картер нафақат Тим Бёртон фильмларида алоҳида ўрин тутади. Унинг фильмографиясидаги тижорий жиҳатдан энг муваффақиятли картиналар “Гарри Поттер” франшизасидаги ёвуз аёл Беллaтрикс Лестренж, “Золушка”даги чўқинтирган пари ва “Алиса мўжизалар мамлакатида” фильмидаги Қизил қиролича.
Скарлетт Йоханссон — 17-ўрин
Қора бева роли Скарлетт Йоханссон карерасидаги энг машҳур роли ҳисобланади. Бу, шунингдек, энг даромадлиси ҳам. Унинг суперқаҳрамон франшизасидаги роли чинакам шон-шуҳрат келтирган бўлса-да, фильмографиясида бошқа кўплаб драматик роллари ҳам мавжуд.
Жейсон Стейтем — 16-ўрин
Жейсон Стейтем кино оламидаги барқарорлик намунасидир. Унинг фильмографиясида жуда кўп асарлар мавжуд. Бироқ кенг профессионал диапазонга қарамай, Стейтем кино ижодкорлари учун энг даромадли актёрлардан бири ҳисобланади.
Эмма Стоун — 14-ўрин
Эмма Стоун ўзининг 18 йиллик фаолияти давомида телесериаллар ва Б тоифадаги фильмлар эпизодларида рол ўйнаган актрисадан “Оскар” соҳибасига айланди. Унинг фильмографиясидаги энг муваффақиятли ва таниқли асарларни “Ўргимчак одам” ҳақидаги 2 фильмдаги Гвен Стейси, “Ла Ла Ленд” фильмидаги Миа ва “Крудслар оиласи” мултфильмидаги Гип роли деб аташ мумкин.
Бредли Купер — 12-ўрин
Бредли Купернинг фильмографиясида жуда кўп жиддий роллар мавжуд ва 9 та “Оскар” номинацияси Купернинг инкор этиб бўлмайдиган истеъдоди борлигини тасдиқлайди. Унинг машҳурлигига Marvel оламида овоз берган бепарво ва безбет енот Ракет образи катта ҳисса қўшди.
Жон Фавро — 7-ўрин
Жон Фавро режиссёр ва ёрдамчи актёр сифатида танилган. Унинг энг катта реклама ҳити "Темир одам" фильми бўлди. Жон нафақат унга режиссёрлик қилди, балки энг ёрқин эпизодик қаҳрамонлардан бири — Тони Старкнинг дўсти ва ёрдамчиси Ҳеппи ролини ҳам ижро этди. Келажакда у франшизанинг яна 6 та фильмида суратга тушди.
Уилл Смит — 6-ўрин
Уилл Смит қизиқарли рекорднинг эгаси — у иштирок этган 8 та фильмнинг ҳар бири кинотеатрларда 100 миллион доллардан кўпроқ пул йиғган биринчи актёр бўлди. Бу шунчаки омад эмас, балки Смитнинг инкор этиб бўлмайдиган истеъдодидир. Унинг тижорий жиҳатдан энг муваффақиятли асарлари қаторига “Олоуддин” фильмидаги Жин, “Ёмон болалар” фильмидаги полициячи ва “Ҳенкок” фильмидаги супер қаҳрамон роли киради.
Леонардо Ди Каприо — 5-ўрин
Леонардо Ди Каприо — истеъдоди доимо алоҳида эътиборга лойиқ бўлган ажойиб актёр. Энг муваффақиятли фильмлари қаторида “Оскар” мукофотига сазовор бўлган “Омон қолган”, “Муқаддима” ва энг машҳур “Титаник” фильмлари ҳисобланади.
Сандра Буллок — 3-ўрин
“Оскар” совриндори Сандра Буллок кино ижодкорлари ва томошабинларга ўзининг иқтидорли ва серқирра актриса эканлигини бир неча бор исботлаган. Унинг фильмографиясида жиддий драматик роллар ҳам, комедик роллар ҳам мавжуд. Тижорий жиҳатдан энг муваффақиятли фильмлар орасида “Гравитация”, “Кўринмас томон” ва “Йўқолган шаҳар” фильмлари бор.
Кичик Роберт Дауни — 1-ўрин
Голливуддаги тижорий жиҳатдан энг муваффақиятли актёр бу даҳо, миллиардер ва хайриячи кичик Роберт Дауни. Унинг ижодий фаолияти 5 ёшида бошланган, ҳаёти кўтарилишлар ва пасайишларга бой бўлган. Аммо, шунга қарамай, Тони Старк ролидан кейин бутун дунё бўйлаб машҳурлик ва шон-шуҳратга кўмилди.
Изоҳ (0)