“Garri Potter” franshizasining ashaddiy muxlislarini xursand qilgan holda, ularning sevimli aktyorlari birgalikda ishtirok etgan boshqa filmlar haqida ham ma’lumot beramiz.
“Alisa mo‘jizalar mamlakatida”
-syOtXZz9.png)
19 yoshli Alisa Kingsli o‘zi xohlamagan unashtiruv marosimiga tayyorgarlik ko‘radi, biroq so‘nggi lahzada g‘oyib bo‘ladi va tushida ko‘rgan Mo‘jizalar mamlakatiga tushib qoladi. Filmdagi Qizil qirolicha rolini Bellatris Lestrenj obrazi bilan mashhur bo‘lgan Helena Bonem Karter o‘ynagan. Undan tashqari, filmda Frensis de la Tur, Alan Rikman, Pol Uaytxaus, Timoti Spoll, Imelda Stonton va Garri Teylor ham ishtirok etgan, faqatgina dublyaj jarayonida.
“Sheryurak”
-fwuFn-GU.png)
“Sheryurak” amerikalik Mel Gibson filmi bo‘lsa-da, unda ko‘plab yevropalik aktyorlar rol o‘ynagan va ulardan to‘rttasi keyinchalik “Garri Potter”ning turli qismlarida ishtirok etgan. Brendan Glison “Garri Potter” filmida bir vaqtning o‘zida Alastor Gryum va soxta Alastor Gryum rolini o‘ynagan. Unga keyinchalik Devid O‘Xara, Piter Mellan va Maykl Birn ham qo‘shiladi.
“Ajdar yuragi”
-TUOFsrk_.png)
Qo‘zg‘olon paytida shahzoda Eynon jiddiy jarohat oladi. Tirik qolgan Eynon otasidan yaxshiroq va mehribonroq qirol bo‘lishiga umid qilgan aqlli ajdaho uni qutqaradi. Biroq keyinchalik qirol bo‘lgan shahzoda bu umidlarni oqlamaydi, hatto aksincha otasidan battar bo‘ladi.
Filmdagi bosh va ikkinchi darajali rollar Devid Tyulis, Jeyson Ayzeks va “Azkaban mahbusi” filmida Madam Rosmerta rolini o‘ynagan Juli Kristiga nasib etdi. Ko‘pchilik ishonmasligi mumkin, ammo film chiqqan paytda u 64 yoshda edi.
“Nyu York to‘dalari”
-iXh_lzws.png)
“Qassob Bill” laqabli Uilyam Katting o‘zining ashaddiy dushmanini yo‘q qiladi, lekin uning o‘g‘li qochib ketadi. Yillar o‘tib, o‘g‘il ulg‘ayadi va otasi uchun qasos olishga qaror qiladi, ammo buning uchun u to‘da to‘plashi kerak. Jim Brodbent va Brendan Glisonga ikkinchi darajali rollar beriladi.
“Vaqt qo‘riqchisi”
-lVl0bjiO.png)
Garchi “Vaqt qo‘riqchisi” tomoshabin va tanqidchilar tomonidan ijobiy qabul qilingan bo‘lsa-da, shuningdek, “Garri Potter” yulduzlaridan tashqari, Eysa Batterfild, Ben Kingsli, Sasha Baron Koen, Kristofer Li va Jud Lou ham ishtirok etgan ajoyib aktyorlar tarkibini to‘plagan bo‘lsa-da, kassada omadsizlikka uchradi. Hatto “Garri Potter”dagi Narsissa Malfoy, Maksim xonim va Vernon Dursl rolida porlagan Xelen Makkrori, Frensis de la Tur va Richard Griffits ham vaziyatda loyihani qutqara olmadi.
“Qirol nutqi”
-5qWcNY6o.png)
“Qirol nutqi” badiiy filmi bolaligida duduqlanishdan aziyat chekkan va fuqarolari oldida nutq so‘zlay oladigan shaxsga aylanish uchun katta mehnat qilgan qirol Georg VI haqida hikoya qiladi. Nisbatan kichik 15 million byudjet bilan film 414 million dollar yig‘ib, xitga aylanadi. Filmda Kolin Fertdan tashqari Helena Bonem Karter, Maykl Gambon va Timoti Spollni o‘z ichiga olgan aktyorlar tarkibi bor edi. Piter Pettigryu obrazi bilan mashhur bo‘lgan aktyor esa Cherchill rolini o‘ynaydi.
“Mening qattiqo‘l enagam”
-D3ve5LhA.png)
“Mening qattiqo‘l enagam” “Enaga Matilda” kitoblar seriyasining birinchi filmi edi. Garchi u kassada katta pul ishlab topgan bo‘lsa-da, G‘arb tomoshabinlari uni juda sovuqqonlik bilan qabul qilishadi.
“Mening qattiqo‘l enagam” filmida Emma Tompson va Imelda Stonton yana birgalikda rol o‘ynashadi, ularga qo‘shimcha ravishda Kelli MakDonald qo‘shiladi — u “Garri Potter”da Yelena Kogtevran rolini o‘ynagan. Dastlab Elena rolini Keyt Uinsletga taklif qilishgan, ammo uning agenti rad etgan. Uinslet bu haqda bilgach, “Garri Potter”da o‘ynashga qarshi emasligini aytadi.
“Aql va tuyg‘u”
-4Qgg3pGe.png)
Alan Rikmanning birinchi yorqin romantik rollaridan biri “Aql va tuyg‘u” filmidagi polkovnik Brendon edi. O‘shanda Rikman nihoyat o‘zini ommaga dramatik aktyor sifatida ko‘rsatadi. U ko‘p jihatdan Jon Uilloubi rolini o‘ynagan romantik janr ustasi Xyu Grantni ham ortda qoldiradi. Filmda ikki aktyorga Emma Tompson, Imelda Stonton, Robert Xardi, Jemma Jons va “Garri Potter”dagi bir nechta filmlarda Poppi Pomfri xonim rolini o‘ynagan Elizabet Spriggz partnyor bo‘lgan.
“Suini Todd, Flit-stritdagi iblis sartarosh”
Tim Byorton amerikalik rejissyor bo‘lishiga qaramay, ko‘pincha filmlarida britaniyalik aktyorlarni suratga olgan. “Suini Todd, Flit-stritdagi iblis sartarosh” bunga yana bir misoldir. Jonni Depp, Helena Bonem Karter, Alan Rikman va Timoti Spoll asosiy tarkibda bo‘lib, kichik qahramonlardan biri Jeymi Kempbell Bauerga nasib etadi.
“Qora libosli ayol”
-luoq3wE5.png)
2012-yilda Deniel Redkliff birinchi marta qo‘rqinchli filmda rol o‘ynadi. Bu “Qora libosli ayol” bo‘lib, u arvohlar yashaydigan uyga kirib qolgan erkak haqida hikoya qiladi. Deniel uchun mazkur film “Garri Potter”dan tashqari birinchi obraz edi — 15 million dollarlik byudjetga ega film deyarli 130 million daromad keltiradi. “Qora libosli ayol” filmidagi muhim rollardan birini Aberfort Dambldor obrazini yaratgan Kiaran Xaynds o‘ynaydi.
Izoh (0)