Киносаноатда кўплаб яхши фильмлар ва актёрлар бор. Аммо шундай актёрлар борки, маълум роллар учун туғилганга ўхшайди.
Кети Бейтс — Энни Уилкс “Арзимаслар”
Кети Бейтс деганда, эҳтимол ёдингизга келадиган биринчи рол бу “Арзимаслар” фильмидаги Энни Уилкснинг ақлдан озган мухлисидир. Ҳамманинг қалбида бу қаҳрамон деярли соф ёвузликнинг тимсолига айланди. Буни нафақат томошабинлар, балки Бейтсни “Оскар” статуэткаси билан тақдирлаган Америка кино академияси ҳам қайд этди.
Кристоф Валц — Ганс Ланда, “Манфур кимсалар”
Валц Тарантино билан ҳамкорлигидан олдин ҳам ҳавас қиларли даражадаги карьерага эга эди — “Манфур кимсалар” фильмидаги роли эса яна бир ютуқ бўлди. Кўплаб томошабинлар янги истеъдодли актёрни кашф қилишди.
Валц мазкур фильмда эпизодик рол ўйнаган бўлса-да, томошабинларнинг бутун диққатини ўзига қаратди. Унинг истеъдоди “Оскар” билан тақдирланган.
Девид Суше — Эркюл Пуаро, “Агата Кристи Пуаро”
Эҳтимол, Эркюл Пуаро исмини эшицангиз, дарҳол ўткир мўйловли шляпа кийган қисқа бўйли белгиялик сурати пайдо бўлади ва кўз ўнгингизда Девид Сушенинг қиёфаси келади. Кўплаб истеъдодли актёрлар таниқли детектив ролини синаб кўришади, аммо Сушенинг характери энг машҳур ва том маънода афсонавийдир.
Хью Лори — Грегори Ҳаус, “Доктор Ҳаус”
“Доктор Ҳаус” 10 йилдан кўпроқ вақт олдин тугаганига қарамай, Хью Лори ўйнаган Грегори Ҳаус ҳали ҳам кўплаб томошабинлар томонидан асосий телевидение шифокори сифатида қабул қилинади. Лори қаҳрамони ноаниқ ҳис-туйғуларни уйғотади: бир томондан, унинг атрофдаги ҳаммага нисбатан қўполлиги ва бепарво муносабати кўпчиликка ёқмаса, иккинчи томондан, унинг ақл-заковати ҳайратга сабаб бўлади, ўткир ҳазиллари эса юзингизда табассум уйғотади.
Кичик Роберт Дауни — Тони Старк, “Темир одам”
“Темир одам” фильмидан кейин замонавий Marvel олами бошланди, бугунги кунда унинг миллионлаб мухлислари бор. Кўп жиҳатдан, бундай ажойиб муваффақият ўз ролини моҳирлик билан ижро этган кичик Роберт Дауни фильмидаги иштироки билан боғлиқ. Актёр Тони Старк образига шунчалик мос тушдики, деярли у билан бирлашиб кетди.
Алан Рикман — Северус Снейп, “Гарри Поттер”
Аслида Алан Рикман китоб қаҳрамони Северус Снейпдан анча катта. Бундан ташқари, актёр қаҳрамонига ҳамдардликни уйғотадиган таъсирчан жозиба қўшади, буни китоблардаги афсунгарлар профессори ҳақида айтиб бўлмайди. Бироқ оригинал образдан воз кечиш Аланга миллионлаб томошабинларнинг қалбини забт этишига тўсқинлик қилмади.
Кристиан Бэйл — Патрик Бейтман, “Америкалик телба”
Китоб асосида ажойиб фильм яратиш осон иш эмас. Бош қаҳрамон образини бузиб қўйиш ва оригиналидан фарқ қилиш хавфи мавжуд. Бироқ Кристиан Бэйл Патрик Бейтман образига шунчалик мослашадики, том маънода унга айланади.
Кўпгина томошабинлар учун бу ролдаги актёр худбинлик, бефарқлик ва совуққонли жинниликнинг тимсолига айланди. Ва кўплаб мукофотлар Бэйл ўз ишини 100 фоиз бажарганини тасдиқлайди.
Имелда Стаунтон — Долорес Амбриж, “Гарри Поттер”
Ташқи кўринишида мафтункор аёл аслида ёлғончи манипулятор бўлиб, ҳар бир кадрда ўз кучидан завқланади. Томошабинда норозиликни уйғотиш осон иш эмас. Бироқ Имелда Стаунтон мазкур қаҳрамони ёрдамида буни уддалади.
Розамунд Пайк — Эми Данн, “Йўқолган аёл”
Асарни экранлаштириш қандай ажойиб бўлиши мумкинлигига яна бир мисол. Пайк ушбу қаҳрамони орқали ҳар бир майда деталда шафқатсиз ва мағрур худбинлик яширинган аёл ва намунали рафиқа қиёфасини қайта тиклашга муваффақ бўлди.
Изоҳ (0)