Жеймс Кемерон, Леонардо Ди Каприо ва атроф-муҳит ва табиат ҳақида қайғурадиган бошқа машҳурлар

Голливуд юлдузлари орасида Ер сайёраси, табиат муҳофазасига ўз ҳиссасини қўшадиганлари ҳам бор. Уларнинг айримлари ёввойи табиатдаги ҳайвонларни асраш учун сармоя киритган бўлса, бошқалари ўрмонларни тиклаш учун маблағ ажратган. 

Леонардо Ди Каприо

“Титаник” кинокартинаси юлдузи Леонардо Ди Каприо Ер сайёрасининг экологик ҳимоячилардан бири. Актёр ўзининг DiCаpriо Foundation (LDF) фондини яратди, у сайёрамиз келажаги билан боғлиқ муаммоларни ҳал қилиш учун мунтазам саммитларни ўтказади.

Таъкидлаш жоизки, актёр қулай яшаш шароити табиий ресурслардан иборат бўлган уйда яшайди: унинг уйидаги иситиш қуёш энергиясидан олинади, аввал ишлатилган сув қайта ишлатиладиган тозалашдан ўтади, том ва балконларга экилган баргли дарахтлар ҳавони яхшилашга хизмат қилади.

Леонардо Бутунжаҳон ёввойи табиат фондига катта миқдорда хайрия қилади (у Россия Федерацияси ҳудудидаги хорижий агент ҳисобланади) ва ҳозирги кунда ҳужжатли фильмлар суратга олади.

Масалан, ёввойи табиат ҳақидаги “11-соат” фильми Африкадан Парижга ҳайвонларнинг мўйнасини ташиш ҳақида кинокартина ҳисобланади.

Актёрнинг машинаси ҳам барча экологик стандартларга мувофиқ ишлаб чиқарилган бўлса ажаб эмас. Масалан, салон ёғоч қисмлардан ясалган бўлиб, улар кесилган дарахтлардан эмас, балки қуруқ ўз-ўзидан тушган ёғочдан қилинган.

Актёр ижтимоий тармоқларда фаол равишда ўз блогини юритади ва  инсонларни ҳозирги табиий муаммоларга бефарқ бўлмасликка ундайди. Леонардо Ди Каприо саммитларда дунё бўйлаб активистлар етакчиси ҳисобланган Грета Тунберг билан ҳам учрашган.

Эмма Уотсон

“Гарри Поттер” фильмидаги Гермиона Гренжер роли билан танилган актриса Эмма Уотсон кийим масаласида оқилона йўл тутишга қарор қилди. Актриса 2009 йилдан буён табиий мўйна, теридан тикилган кийимларни киймайди ва атроф-муҳитга зарар келтирмайдиган кийимларни афзал кўради.

Эмма барқарор мода маслаҳатчиси ҳисобланади ва йирик мода уйлари: Gucci, Louis Vuitton, Balenciaga ва Saint Laurent билан ҳамкорлик қилади.

У 2015 йилда Британиянинг People Tree бренди кўмагида экологик тоза материаллардан кийимлар яратишда иштирок этди. Ушбу бренд остида ишлаб чиқарилган барча кийимлар табиий материаллардан тайёрланган, бўёқ маҳсулотлари эса ўсимликлар ва мевалардан олинган. Уоцон билан ҳамкорликдаги коллекция Love From Emma деб номланган.

Жессика Альба

Актрисанинг ҳаётдаги асосий принцпи — ўз уйидан бошлаб, буюк ишларни амалга ошириш. Шунинг учун Альба интерер деталларига жиддий ёндашади: хона гиламлари қайта ишланган теннис коптокларидан, ахлат қутилари эса чипс қопларидан қилинган.

У ҳатто уч нафар фарзандининг ётоқхоналарини ҳам экологик тоза материаллардан ясатган. Жессиканинг оила аъзолари органик пахтадан тикилган кийимларни кийинишни афзал кўради.

Жеймс Кемерон

“Аватар” кинокартинасининг режиссёри янги фильмларни яратишда ҳам келажак ҳақида қайғуради. Масалан, унинг илмий-фантастик кинокартинасини суратга олиш жараёни экологик тоза студияда бўлиб ўтди ва бўёқлар, костюмлар худди шу принцип асосида яратилган.

Кемерон Ерга зарар етказмаслик учун суратга олиш жараёнларидан олдин қуёш панелларини ўрнатди ва уларнинг ресурслари бўйича лойиҳалар яратди. Бу қарор унга 5 миллион долларга тушди.

Жеймс ишдан ташқари экомобил ҳайдайди, катта фермасини бошқаради ва ўрмонлардаги дарахтларни кесишга қарши чиқади.

Жизел Бюндхен

Бразилиялик супермодел ўз уйини энг сўнгги экотехнологиялар билан жиҳозлади ва уни яшил рангга бўяди. Эътиборлиси, унинг саройи экоархитектура меъёрлари асосида қурилган – ҳар бир детал табиий қурилиш материалларидан иборат бўлиб, уйнинг томига қуёш панеллари ўрнатилган.

Жизел БМТнинг эзгу ният элчиси ҳисобланади. У кўплаб ташкилотлар билан ҳамкорлик қилади. Модель қайта ишланган материаллардан биологик парчаланадиган сандаллар линиясини яратди.

Бюндхен мунтазам равишда даромадининг ярмини Бразилия ўрмонларини тиклаш ва денгиз тошбақаларини ҳимоя қилишга сарфлайди. Модель фаоллар билан биргаликда 15 гектар ерга 25 мингдан ортиқ ўсимлик эккан ва 40 ёшга тўлган куни яна 40 минг дарахтга ҳаёт бахш этди.

Жизел 2010 йилда атроф муҳитга зарар етказмайдиган Sejaa Pure Skincare номли терини парвариш қилиш косметика брендини ишга туширди.