Кинотавсия: кайфиятни кўтаришга ёрдам берадиган қадрдон фильмлар
Comfort movies — (инглиз тилидан сўзма-сўз таржимаси “қулай фильмлар”) ўзимизни яхши ҳис қилиш ва кўнгилни кўтариш учун қайта-қайта томоша қиладиган фильмлардир. Албатта, бундай фильмларни танлаш ҳар ким учун ҳар хил бўлади, лекин турли хил фильмлар орасида ҳамма учун “қулай” бўлиши мумкин бўлган фильмларни топиш мумкин.
“Менинг қўшним Тоторо” (1988)
Режиссёр: Хаяо Миязаки
Хаяо Миязаки ёши, касби ва умуман анимацияга бўлган муҳаббат даражасидан қатъи назар, ҳамма завқ билан томоша қиладиган ҳайратланарли даражадаги мултфильмларни яратишга муваффақ бўлди. Икки қизча ва уларнинг янги дўсти, ўрмон руҳи Тоторонинг саргузаштлари ҳақидаги фильм баҳайбат мушук ва қуён ўртасидаги муносабатга ўхшайди. Мазкур картина нафақат Японияда, балки бутун Америка ва Европада машҳур бўлади.
“Гарри Поттер ва ҳикматлар тоши”
Режиссёр: Крис Коламбус
Жоан Роулинг томонидан ўз фарзандлари учун ёзилган “омон қолган бола” ҳикояси 21-асрнинг энг култ фильмига айланди. Саккизта фильмнинг энг енгили ва энг сеҳрлиси биринчи бўлиб қолади. Мазкур фильмда Гарри Поттер биринчи марта сеҳргарлик мактабига келади, дўстлар орттиради ва сеҳрли дунёда ўзининг биринчи саргузаштлари билан учрашади.
“Ноттинг Хилл” (1999)
Режиссёр: Рожер Мишель
“Ноттинг Хилл” — тақдир тақозоси билан Голливуд кино юлдузи кириб келган Лондон туманларидан биридаги китоб дўконининг камтарона эгаси ҳақидаги таъсирли фильм. Жулия Робертс ва Хью Грантнинг актёрлик дуэти фильмни қайта кўриш учун жиддий далилдир.
“Аддамслар оиласи” (1991)
Ғамгин ва экстравагант Аддамслар оиласининг ҳикояси ҳеч қачон эскирмайди. Уларни бошқалар тушунмайди, аслида уларга бу керак ҳам эмас, чунки Гомес ва Мортиша оиласида севги ва ўзаро тушуниш бор. Буларнинг барчаси актёрларнинг ажойиб ижроси ва сценарий муаллифларининг ажойиб ҳазиллари билан биргаликда қайта-қайта кўришга арзийдиган картинани яратди.
“Кичик хоним” (2006)
Режиссёр: Жонатан Дайтон, Валериe Фарис
Натижадан кўра жараённинг ўзи муҳим эканлиги ҳақида энг яхши фильм. Агар сиз фильм қаҳрамони каби тўсатдан “кичик хоним” бўлишга қарор қилсангиз ва омадсиз ота, аламзада она, ўз жонига қасд қилиш арафасида турган амаки, ваъдабоз ака ва гиёҳванд бободан иборат бутун оила ёрдам беради, кейин фақат жараёндан завқланиш қолади холос.
“Тенги йўқ жаноб Фокс” (2009)
Режиссёр: Уэс Андерсон
Барча ёшдагилар учун ажойиб эртак. “Тенги йўқ жаноб Фокс” товуқхонага бостириб киришдан ўзини тиёлмайдиган, шу билан бирга хотинига бошқа ҳеч қачон ўзини хавф остига қўймасликка ваъда берган айёр тулки ҳақидаги фильм.
