АҚШ президенти Дональд Трамп Украинадаги урушни тезроқ тугатиш учун Саудия Арабистони ва ОПЕКни нефть нархларини пасайтиришга чақирди. У тегишли баёнотни Давосда бўлиб ўтган Жаҳон иқтисодий форумида маълум қилди. Бу ҳақда Deutsche Welle хабар берди.
-hf_1wvSR.jpg)
Мен Саудия Арабистони ва ОПЕКдан нефть нархини пасайтиришни сўрайман. Тўғрисини айтсам, улар буни сайловдан олдин қилмаганига ҳайронман. Агар нарх пасайса, Россия ва Украина уруши дарҳол тугарди. Айни пайтда мазкур уруш давом этиши учун нарх анча юқори. Нефть нархини пасайтириш керак. Сиз бу урушга чек қўйишингиз мумкин. Улар буни аллақачон қилиши керак эди, деди Трамп.
Ҳозирги вақтда нефть нархи бир баррел учун тахминан 80 долларни ташкил этади. Трампнинг нутқи пайтида унинг нархи деярли бир долларга тушди. Оқ уй раҳбарига кўра, унинг жамоасининг можарони ҳал қилиш бўйича саъй-ҳаракатлари аллақачон бошланган. Трамп Киев музокаралар ва келишувга тайёрлигини айтди.
Сиёсатчи Украинадаги урушни якунлаш учун яқин орада Россия президенти Владимир Путин билан учрашишни хоҳлашини таъкидлади.
Мен бу урушга якун ясаш учун президент Путин билан учрашишдан жуда мамнун бўламан. Миллионлаб жонлар, ажойиб, истеъдодли ёшлар жанг майдонида ҳалок бўлмоқда. Содир бўлаётган воқеаларнинг суратларини кўрдим: ҳақиқий қонли қирғин. Мен ҳатто иқтисодий йўқотишлар, табиий бойликларнинг йўқолиши ҳақида ҳам гапирмаяпман. Мен фақат инсон ҳаётининг йўқолиши ҳақида гапиряпман. Шаҳарлар вайрон бўлмоқда: бино кетидан бино қуламоқда. Биз бу даҳшатни тўхтатишимиз керак, деди Трамп.
АҚШ президенти тинчлик жараёнида Хитойнинг эҳтимолий роли ҳақида алоҳида тўхталди. У Пекин ва Вашингтон ўртасидаги муносабатлар “жуда яхши” эканини таъкидлади.
Хитой Россияга таъсир ўтказиб, урушни дарҳол тугатишга мажбур қилиш учун етарли кучга эга. Биз буни Хитой билан ҳамкорликда амалга оширамиз, деди Трамп.
Саудия Арабистони АҚШга 600 млрд доллар сармоя киритмоқчи
Ушбу инвестициялар тўрт йилга ажратилади ва қайси соҳаларга йўналтирилиши аниқлаштирилмаган. Сўнгги йилларда АҚШ Саудия Арабистони нефть экспортига қарамликдан тобора узоқлашмоқда.
Валиаҳд шаҳзоданинг баёноти АҚШ президенти Дональд Трампнинг изоҳидан кейин янгради. Аввалроқ Трамп инвестиция нархини оширса, биринчи хорижий ташрифни қиролликдан бошлашини айтганди.
Саудия Арабистони Америкага 600 миллиард доллар сармоя киритади, лекин мен валиаҳд шаҳзодадан уни 1 триллионга айлантиришни сўрайман, чунки у яхши йигит, деган АҚШ президенти.
♦ Украинанинг урушни тугатиш шартлари
Украина қўшинларни 1991 йил чегараларига олиб чиқишни назарда тутувчи “тинчлик формуласи”ни амалга оширишни талаб қилмоқда. Гап 2014 ва 2022 йилларда Россия томонидан у ерда ўтказилган “референдумлар” ва Украинанинг Қрим, Донецк, Луганск, Херсон ва Запорожье вилоятлари ноқонуний аннексия қилингани ҳақида кетмоқда. Москва “тинчлик формуласи” асосида музокаралар олиб бориш имкониятини истисно қилади.
♦ Россия шартлари
Путин ўт очишни тўхтатиш учун ўз шартларини илгари сурди, жумладан, Украина қўшинлари ўзини ўзи мустақил деб эълон қилинган ДХР, ЛХР, Херсон ва Запорожье вилоятларидан олиб чиқилиши, ушбу тўртта ҳудуд ва Қрим гўёки халқаро миқёсда Россиянинг бир қисми сифатида тан олиниши, Украинанинг НАТОга аъзоликдан воз кечиши ва санкцияларни олиб ташлаш. Зеленский бу таклифни “ишониб бўлмайдиган” ультиматум деб атади.
Изоҳ (0)