Саудия Арабистони ҳукумати нефть қазиб олишни апрель ойидаги рекорд даража — суткасига 12,3 миллион баррелни максимум суткасига 4 миллион баррелгача қисқартиришга тайёр, деб хабар беради Reuters.
Россия ҳукумати эса ўз навбатида нефть қазиб олишни суткасига максимум 2 миллион баррелгача қисқартиришга тайёрлигини билдирган. Март ойида Россия суткасига 11,3 миллион баррелдан нефть қазиб олган.
Аввалроқ Россия Энергетика вазирлиги қазиб олиш суткасига 1,6 миллион баррелга қисқартирилиши ҳақида расман маълум қилганди.
9 апрель куни ОПЕК+ аъзолари нефтни қазиб олишни чеклаш борасидаги битимни муҳокама қилиш учун видеоконференция ўтказди.
Россия президени Владимир Путин 3 апрель куни ОПЕК+ доирасида нефтни қазиб олишни 2020 йил биринчи чорагидаги даражага қараганда (суткасига 40 миллион баррелга яқин) суткасига 10 миллион баррелгача қисқартириш лозимлигини маълум қилганди. АҚШ президенти Дональд Трамп ҳам нефть қазиб олиниши 10-15 миллион баррелга қисқартирилишига умид билдирган.
Мавзуга доир:
Изоҳ (0)