АҚШ президенти Дональд Трамп Оқ уйда ўтказилган брифинг вақтида ОПЕКни ўзини ўзи яксон этаётган ноқонуний тузилма деб атади. Ушбу жараён президент Администрациясининг Twitter’даги саҳифаси орқали трансляция қилинган.
«Бутун умрим давомида ОПЕКка қарши чиққанман, ўзи нима бу? Бу ноқонуний тузилма, уни картел ёки монополия деб аташингиз мумкин», — дейди АҚШ президенти. Шунингдек, Трамп ОПЕК АҚШга нисбатан нохолис ёндашаётганини маълум қилган.
Президент Трамп брифинг вақтида «АҚШдаги минглаб, ўн минглаб иш ўринлари»ни ҳимоя қилиш учун импорт қилинаётган нефтга бож жорий этишга тайёрлигини билдирган.
Бундан ташқари, Трамп Саудия Арабистони билан музокара ўтказганини, подшоҳлик Россия билан нефть қазиб олишни қисқартириш бўйича битим имзолаш ниятида эканлигини маълум қилган.
Мавзуга доир:
- Путин ва Трамп телефон орқали коронавирус пандемияси ҳамда нефть нархларини муҳокама қилди
- Brent маркасидаги нефть нархи 12 фоизга қимматлашиб, баррел учун 33 долларга чиқди
- Трампнинг Россия ва Саудия Арабистони ўртасидаги келишув ҳақида ёзган твитидан кейин нефть нархи 35 долларга чиқди
- Иқтисодчи Юлий Юсупов жаҳон бозорида нефть нархи пасайишда давом этса, сўмнинг девалвацияси муқаррарлигини билдирди
Изоҳ (0)