Мьянмадаги намойишлар, Австралиядаги ярим асрнинг кучли тошқинлари, Осиёдаги қум бўронлари, Россия-АҚШ, АҚШ-КХДР муносабатлари. Март ойи якунлари

Баҳорнинг илк ойини ҳам тугатдик. Бу ой жаҳонда қандай воқеалар юз берди? Март ойининг энг долзарб хабарлари дайжести билан ой якунларида танишинг.

Февраль ойида Мьянмада ҳарбийлар томонидан амалга оширилган давлат тўнтариши ортидан мамлакатда мамлакатда кенг кўламли норозилик намойишлари март ойида ҳам давом этди. Тўнтаришга қарши бўлган халқ аввалги ҳукуматни қайтаришни талаб қилиб кўчаларга чиқди. Уларга қарши полиция ва ҳа ҳарбийлар ташланди. Намойишчилар турли қўлбола қуроллар билан куч ишлатар тизимларига қарши ҳужумлар қилишди. Намойишлар давомида юзлаб инсонлар ҳалок бўлди. Мьянма собиқ етакчиси Аун Сан Су Чжи 600 минг доллар ва олтинларни ўзлаштирганликда айбланди. Европа Иттифоқи Мьянмадаги вазият юзасидан 11 кишига қарши санкция эълон қилишини маълум қилди. Мьянмадаги ҳарбийлар мамлакат бошқарувини сайловлар янгидан ўтказилганидан кейин топширишни ваъда қилди.

Ойнинг энг кўп муҳокама қилинган хабарларидан бири, шубҳасиз, Сувайш каналида саёзликка тиқилиб қолган Ever Given кемаси бўлди, десак янглишмаган бўламиз. 400 метрлик Хитойдан Нидерландияга йўл олган контейнерларни ташувчи энг йирик кемалардан бири Ever Given 24 мартга ўтар кечаси Сувайш каналига тиқилиб қолган эди. Натижада каналда жуда катта кемалар тирбандлиги юзага келган. Мазкур ҳолат дунё иқтисодиётига ҳам катта таъсир кўрсатди. Ҳар бир соатда дунё иқтисодиёти 400 млн доллар зарар кўрган.

Бир ҳафта давом этган уринишлардан кейин кема 29 март куни сувга чиқарилган ва 30 мартдан бошлаб кемалар ҳаракати қайта тикланган.

Март ойи ўзига хос иқлимий шароитлар, табиат ҳодисалари билан ёдимизда қоладиган бўлди. Ой давомида дунёнинг турли минтақаларида ва давлатларида қум бўронлари содир бўлди. Қум бўронлари Қатар, Саудия Арабистони, Хитой, Мўғулистон, Қозоғистон, Япония ва Жанубий Кореяда юз берди. Ҳатто Москвада ҳам бунинг таъсири сезилди. Мўғулистонда 6 киши вафот этган бўлса, бир нечта киши жароҳатланди. Хитой осмони қизил тусга кирди.Трамп маъмурияти пайтининг ташқи сиёсатдаги ютуқларидан бири бу Шимолий Корея билан муносабатларда илиқлик ҳукм сургани эди. Аммо Байден маъмуриятининг мазкур мамлакатга қаратилган сиёсати ҳамон сўроқ остида қолмоқда. Шу фонда икки мамлакат ўртасида совуқчилик тушгандек тасаввур пайдо бўлмоқда. Бундан ташқари Шимолий Кореянинг ракета синовларини қайтадан бошлагани аввалги маъмурият ҳаракатлари бесамар кетганидан дарак бермоқда. Шимолий Кореянинг бу ҳаракатларини Япония халқаро ҳамжамият учун жиддий хавф деб ҳисоблаган бўлса, АҚШ бунга эътибор ҳам қаратмади. Шунингдек, Шимолий Корея ҳукумати Вашингтон Пхенянга нисбатан душманлик сиёсатидан воз кечмагунча АҚШнинг янги маъмурияти билан алоқа ўрнатмаслигини айтган.Март ойида Австралия ўз тарихининг сўнгги 50 йиллиги давомида энг йирик сув тошқинларини бошидан кечирди. Тошқинлар натижасида минглаб одамлар эвакуация қилинган. Мамлакатнинг шарқий қирғоқларида юз берган тўхтовсиз ёмғирлар сув тошқинларини келтириб чиқарган.Россия ва АҚШ ўртасидаги муносабатлар Байденнинг баёнотидан кейин совуқлашиб кетди. Гап шундаки, АҚШ президенти Жозеф Байден ABC телеканалига берган интервьюсида журналистнинг «Россия президенти Владимир Путинни қотил деб ҳисоблайсизми?» деган саволига тасдиқ жавобини берди. Шундан икки томонлама муносабатлар совуқлашиб кетди. Россия Вашингтонда элчисини чақириб олди. Путин Байденни мулоқотга чақирди, аммо Байден бунга рози бўлмади.