Brent маркасидаги нефтнинг бир баррели 14 апрель оқшомидаги савдоларда 30 доллардан пастлади.
Bloomberg нашрининг ёзишича, нефть нархи ОПЕК+ келишуви ва Хитойда иқтисодий фаоллик бошланганига қарамай Ғарб давлатлари учун бозорда талаб йўқлиги туфайли тушишда давом этади.
Brent’нинг қиймати март ойида бир баррель учун 25 долларгача пастлаган, апрель бошида эса ОПЕК+ келишуви имзоланиши ҳақидаги хабарлардан муайян даражада кўтарилган, шундан бери баррель учун 31-33 доллар нархи барқарор сақланиб келаётганди.
ОПЕК+ нефть ишлаб чиқариш ҳажмини қисқартириш бўйича давлатлар келишуви расман 12 апрелда имзоланди, картель вакиллари қора олтин ишлаб чиқариш ҳажмини кунига 9,7 миллион баррелгача қисқартиришга рози бўлган. АҚШ, Бразилия ва Канада нефть ишлаб чиқаришни қўшимчасига яна 3,7 миллион баррелга қисқартиради.
Изоҳ (0)