Каталониянинг “Барселона” клуби таркибида тўп сураётган 21 ёшли ярим ҳимоячи Марк Касадога Ла Лиганинг бошқа вакили — “Бетис” клуби жиддий қизиқиш билдирмоқда. Бу ҳақда Mundo Deportivo нашри хабар бермоқда.
Маълумотларга кўра, Андалусия клуби футболчи учун расмий таклиф юборган, бироқ Касадо “кўк-анорранглилар” сафини тарк этишни истамаяпти. Diario Sport нашрининг ёзишича, футболчи янги бош мураббий Ҳанси Флик қўл остида жамоада қолишни ва асосий таркиб учун курашишни мақсад қилган.
“Бетис” Касадони яқинда “Атлетико” сафига йўл олган Жонни Кардозанинг ўрнига муносиб ўринбосар сифатида кўрмоқда.
“Барселона” футболчини қўйиб юборишга тайёр, бироқ камида 30 миллион евро миқдорида маблағ талаб қилмоқда. “Бетис” эса бу суммани тўлашга тайёр эмас ва нархнинг пасайтирилишига умид қилмоқда.
- Марк Касадо ўтган мавсум Ла Лига доирасида 23 та ўйинда майдонга тушиб, 1 та гол ва 3 та голли узатмага муаллифлик қилган.
- Футболчининг “Барселона” клуби билан шартномаси 2028 йил ёзига қадар амал қилади.
- Transfermarkt портали футболчининг қийматини 30 миллион еврога баҳолаган.
Изоҳ (0)