Дубайнинг илиқ пляжлари ва қизиқарли сафарлари: очиқ ҳавода фаол дам оламиз

Қишда Дубай ёқимли қуёш остида, очиқ ҳавода фаол ҳордиқ турларидан роҳатланиш учун идеал жойга айланади. Шаҳар меҳмонлар учун пляж релаксидан тортиб, саҳро ёки тоғларда унутилмас саргузаштларгача бўлган кўплаб вариантларни таклиф қилади.

Қиш фаслида Дубайда оилангиз билан очиқ осмон остида вақтингизни қандай қилиб қизиқарли ва вақтичоғлиқ билан ўтказиш борасида сиз учун бир нечта ғояни тайёрладик.

• Пляжлар

Kite Beach – оддий пляж эмас, бу Дубайнинг лайфстайл-маркази. Унда кенг пляж ҳудуди, сайрлар учун ободонлаштирилган хиёбон, кўплаб қаҳвахоналар, ресторанлар ва фаол дам олиш учун имкониятлар мавжуд. Қишда Kite Beach пляжида кайцёрфинг, сапсёрфинг, пляж спорт турлари ёки бутун оила билан завқли ҳордиқ чиқариш учун ажойиб шароитлар яратилган.

Пляжда янада яхшироқ ва одамлардан холироқ дам олишни истайсизми? Унда Дубайнинг кўп сонли пляж клубларидан бирини танлаш имконяти бор. Масалан, яқинда реновациядан кейин очилган J1 Beach  (собиқ Ла МеR) пляж-ресторан мажмуи. У нафақат пляжда дам олишни ёқтирадиганлар, балки лаззатхўрлар учун ҳам ҳақиқий топилма. Хуллас, эътиборингизни бир нечта пляж клубларига қаратамиз:

Bâоli Dubai
Ушбу пляж клуби меҳмонларга тропик муҳитни, ўзида шарқона таъмга эга француз ва Ўрта ер денгизи ҳудудининг тансиқ таомларидан иборат менюни ва Дубай “юрагида” унутилмас ҳордиқ учун идеал мос келадиган бежирим маконни таклиф этади.

Gigi Rigolatto
Gigi Rigolatto клуби Дубай соҳилига италянча ҳаёт тарзини олиб кирган. Бу ерга келган меҳмонларни тансиқ таомларни ўз ичига олган таомнома, кўркам боғ, хусусий бассейн,  Беллини бари, болалар бурчаги ва концептуал дўкон кутади. Gigi Rigolatto – ҳашамат ишқибозлари учун идеал жой. 

Аfrican Queen
Бу ўз интерерида Ўрта ер денгизининг нафосати ва Африка мавзуларини бирлаштирган макон. Аfrican Queen таомномаси ёрқин экзотик таъмлар ва Ўрта ер денгизи анъаналарини уйғунлаштирган таомлардан иборат бўлиб, янги олиб келинган денгиз маҳсулотларини, грилда тайёрланган таомларни ва мавсумий гастрономик лаззатларни ўз ичига олган.

Бундан ташқари, шаҳарда катталар ҳам, болалар ҳам вақтини чоғ ўтказиши мумкин бўлган кўплаб оилавий пляж клублари бор. Улардан энг оммабоплари: Palm Jumeirah оролида жойлашган Riva Beach Club ва Peaches & Crеам, Palm West Beach пляжида жойлашган February 30, Тhе Wеstin  мажмуидаги Соfitel Dubai Тhе Palm, Club Мina, Жебел Али ҳудудидаги JА Тhе Resort, JBR ҳудудида жойлашган Jumeirah Zabeel Saray. The Ritz Carlton Dubai.

• Аквапарклар

Дубайда дунёдаги энг катта Aquaventure Waterpark аквапарки жойлашган. Унда экстрим ишқибозлари учун юздан ортиқ сув тоғлари фаолият кўрсатади. Сокин оқувчи дарёлар бўйлаб қайиқда сайр қилган ҳолда ўз вақтини осойишта ўтказишни яхши кўрадиганлар учун ҳам шароит яратилган. Шу билан бирга, кичкинтойлар ва каттароқ ёшдаги болалар учун мўлжалланган зоналар ҳам мавжуд.

Унча катта бўлмаса-да, қизиқарлилиги бўйича қолишмайдиган Wild Wadi, Laguna Waterpark, LEGOLAND Waterpark аквапаркларини ҳам қайд этиш жоиз. Уларнинг ҳар бирида сув тоғлари, тўлқинларни ҳосил қилувчи бассейнлар ва болалар учун мўлжалланган зоналар меҳмонларга мунтазир.

• Пляжда кемпинг

Жебел Али тумани вақтни, шаҳар қулайлигини табиат қўйнида дам олиш билан бирга уйғунлаштирган ҳолда, ўтказиш каби ноёб имкониятни таклиф этади. Бу ерда чодир қуриб, оилангиз билан табиат қўйнида дам олишингиз, Араб кўрфази ва юлдузли осмон манзараларидан завқланишингиз мумкин бўлган кенг қумли пляж бор. Кемпингга отланишдан олдин Dubai Municipality иловаси орқали онлайн тарзда Дубай маъмуриятидан рухсатнома олиш лозим.

• Саҳрода сафари

Бу БААнинг ўзига хос маданияти билан танишиш ва қумтепаликларни айланишдан ўткир ҳиссиётларни бошдан кечиришнинг мақбул усули.

Ушбу турнинг энг оммабоп қисми – бу жип-сафари. Сиз тўлиқ юритмали автомобилда қумтепаликларнинг тик ёнбағирлари бўйлаб сайр қиласиз. Тажрибали ҳайдовчи жипнинг барча имкониятларини намойиш этади, сафардан унутилмас таассуротлар олишингиз тайин. Бундан ташқари, сайёҳларга қумтепалар бўйлаб квадротциклларда, туяларда сайр қилиш ва, ҳатто, сендбординг, яъни сноубордингнинг саҳро варианти билан шуғулланиш имконияти ҳам таклиф этилади.  

Саҳрога саёҳатнинг энг мароқли қисми – бу юлдузли осмон остида ёзилган дастурхон. Сиз маҳаллий ошхона таомлари ва фолклор-шоудан баҳра олишингиз мумкин.

• Хаттада хайкинг

Хатта – Дубайнинг баланд тоғли ҳудуди. У шаҳардан бор-йўғи 90 дақиқалик масофада жойлашган. Айтиш жоизки, тоғли Дубай ҳам  ўз ихлосмандларига эга бўлмоқда, чунки у ҳордиқ чиқаришнинг кўплаб вариантларини таклиф этади. Масалан, бу ложувард Ҳатта Дум кўли бўйлаб қайиқда сайр қилиш, Ҳатта Wаdi Hub кўнгилочар марказида болта ва камондан отиш, қояга кўтарилиш спорти билан шуғулланиш ва, албатта, Хатта тоғларида хайкинг – унда сайёҳлар учун мураккаблик даражаси турлича бўлган трассалар ташкил қилинган. Айтгандай, Хатта трассалари тоғ велосипедлари учун ҳам мослаштирилган. Велосипедни ўша жойнинг ўзида ижарага олиш мумкин.

• Al Qudra саҳросидаги кўлда ҳордиқ

Al Qudra чўли – велоспорт ишқибозлари орасида машҳур бўлган жойлардан бири. Бу ердаги трасса қарийб 50 км ни ташкил қилади. Уни тайёргарлик даражасига қараб қисман босиб ўтиш мумкин. Велосипедни шу ерда ижарага олса бўлади.

Бундан ташқари Al Qudra – оила аъзоларингиз билан пикник ташкил қилиш учун идеал жой. Бу ерда бир нечта кўл жойлашган: Flamingo Lake – юзлаб турдаги қушларнинг бошпанаси, Love Lake – икки юрак шаклидаги кўл. Унинг соҳилида барбекю тайёрлаб ҳордиқ ташкил қилиш ҳамда маҳаллий фауна – оққушлар, ўрдаклар, фламинго ва фенек тулкиларини кузатиш мумкин. Эҳтимол, Бирлашган Араб Амирликларининг миллий жонивори – оқ орикс кийигини ҳам кўриш насиб қилар.

• Адреналин заряди

XLine Dubai Маrina зиплайни – дунёдаги энг узун шаҳар зиплайни. У бир километрни ташкил қилади, максимал тезлиги эса – 80 км/соатгача. У  Dubai Маrina кўрфазини мутлақо бошқа нуқтадан томоша қилиш учун ажойиб вариант.

Парашютдан сакраш Skydive Dubai  билан тандемда сизга нафақат адреналин зарядини беради, балки Palm Jumeirah оролининг кўркам манзарасини ҳам тақдим этади.

• Денгиз соҳилида ва денгиз бўйлаб сайр

Dubai Марина Walk хиёбони бўйлаб сайр – Дубайда ўтказган фаол кунингизни якунлашнинг энг яхши усули. Сиз кўркам Bluewaters ороли томон юриб, кўплаб чиройли фотосуратларни олишингиз, музқаймоқ ейишингиз, аттракционларда учишингиз ҳамда соҳил бўйида жойлашган ва денгизга қараган қаҳвахона ва ресторанлардан бирида кечки овқатни тановул қилишингиз мумкин.

Dhow Cruise Dubai яхтасида саёҳат Дубай соҳилини бошқа ракурсдан томоша қилиш имконини беради. Бу нафақат сувда сайр, балки гўзал манзара ва ақл бовар қилмас муҳитда тўлақонли кечки овқатланиш имкониятини ҳам англатади.

• Дубайнинг истироҳат боғлари

Сафа Парк ва Забеел Парк – бу шаҳардаги энг оммабоп жамоат боғлари. Улар Дубай марказидаги яшиллик ва сокинлик гўшаси. Истироҳат боғлари гулзорлар ва серсоя дарахтлар, экзотик сайроқи қушлар, кўллар ва фавворалар орасида сайр қилиш ва пикниклар ташкил қилиш учун жуда мос келади. Бу ерда болалар учун турли-туман аттракционларга бой майдончалар жиҳозланган, шунингдек велосипед йўлаклари ва спорт майдонлари ҳам мавжуд.

Реклама ҳуқуқи асосида.