Қурбон ҳайитининг биринчи куни Туркиядаги тиббиёт муассасаларига 16 мингга яқин киши тан жароҳатлари билан мурожаат қилди. Бу ҳақда соғлиқни сақлаш вазири Фаҳриддин Кожа хабар берди.
Шифохонага мурожаат қилганларнинг барчаси қурбонлик қилиш пайтида жароҳатлар олган.
“Ҳайвонлар нопрофессионаллар томонидан сўйилганда шундай бўлади”, — деб ёзган Кожа Х ижтимоий тармоғидаги саҳифада.
Энг кўп жароҳатланганлар Анқарада — 1,3 минг, Истанбулда — 840 ва Измирда 416 киши қайд этилганини айтган. Бундан ташқари, Истанбулда бир киши қассобхонада юрак хуружидан вафот этган, яна бири қассобхонага борганидан кейин юрак хуружи билан касалхонага ётқизилган.
Туркияда қурбонлик махсус ажратилган жойларда амалга оширилиши керак. Маҳаллий аҳоли бу талабни тез-тез бузади, оқибатда минглаб одамлар Қурбон ҳайити куни жароҳат олади.
Изоҳ (0)