“Уйда ёлғиз” фильмида бош қаҳрамон ролини ижро этган америкалик актёр Маколей Калкин модел ва тадбиркор Ким Кардашьяннинг янги клипида суратга тушди. “Santa Baby” деб номланган қўшиқ клипида актёр Санта Клаус образида намоён бўлган.
Фото: People Talk
Кардашьян янги қўшиғига клипни 23 декабрь куни Instagram’даги саҳифасида намойиш қилди. Клип режиссёрлари Надя Ли Коэн ва Чарли Денис, продюсери эса барабанчи Тревис Баркердир.
Беш дақиқа давом этадиган арт-ҳаус услубидаги клипда Кардашьян малласоч образда намоён бўлади. Унда янги йил зиёфатини қилаётган турли одамлар тасвирланади. Кардашьян эса эмаклаб боради. Клипнинг охирида Маколей Калкин Санта Клаус кийимида кўрсатилади. У Кардашьяннинг барча ҳаракатларини эски камерада суратга олаётган бўлиб чиқади.
Кардашьяннинг янги йил ҳақидаги мазкур клипи YouTube’да бир суткада 1 миллиондан ортиқ марта томоша қилинди.
“Santa Baby” қўшиғи биринчи марта 1953 йилда Эрта Китт томонидан ижро этилган. Ушбу композиция Рождество ҳақидаги энг машҳур қўшиқлардан бири ҳисобланади. Уни Мадонна, Ариана Гранде, Шер, Кайли Миноуг, Алисия Кейс, Гвен Стефани каби таниқли хонандалар ҳам куйлаган.
Изоҳ (0)