Янги йилда “Уйда ёлғиз” фильмини томоша қилиш ўзгармас анъанадир. Аммо бу фильм ҳам кўпчилик учун зерикарли бўла бошлади. Бугун Янги йил атмосферасига эга инглиз ва американча фильмларнинг янги танловини таклиф этамиз. Улар нафақат байрамона кайфиятни ҳис қилишингизга ёрдам беради, балки уларни оригиналда ёки субтитрлар билан томоша қилсангиз, инглиз тилини ўрганишингиз ҳам яхшиланади.
“Элф”, 2003 йил
Фильм Бадди исмли элф ҳақида ҳикоя қилади, у Шимолий қутбда элфлар томонидан тарбияланган. У бошқа элфларга ўхшамаслиги аён бўлгач, ҳақиқий отасини топиш учун Нью-Йоркка боради. Бадди болаларча соддалик ва беғуборликка тўла. У катта шаҳар ҳаётига мослашишга ҳаракат қилади, отаси эса Рождество мўжизаларига ишонмайди.
“Рождество йилномалари”, 2018 йил
Фильм қайғули воқеа билан бошланади — Пирслар оиласининг ўт ўчирувчи бўлиб ишлайдиган отаси вафот этади. Бу уйда Рождество ҳар доим асосий байрам бўлиб келган, аммо фожиадан кейин болалар байрамни нишонлашни хоҳламайди. Бироқ кутилмаган вазият юз берди — улар байрамни сақлаб қолиши керак. Чунки чана синган, буғулар шаҳар бўйлаб югуриб юрибди, етказиб бериш керак бўлган совғалар бор. Ҳақиқий оилавий қадриятлар ва ҳаётда ҳар доим мўжизалар ва эртаклар учун жой борлиги ҳақида ажойиб оилавий фильм.
“34-кўчадаги мўжиза”, 1994 йил (1947 йилги фильм ремейки)
Бутун оила томоша қилиши учун ажойиб эртак-фильм. Бош қаҳрамон Сюзаннинг онаси реклама бўлимида ишлайди, болаларни Санта Клаус билан таништириш учун масъул, аммо қизига унинг йўқлигини анчадан бери айтади. Аммо тасодифан у ҳақиқий Қорбобони ишга олади.
“Сен ухлаётганингда”, 1995 йил
Шаҳар электричкасининг ходими Люси Модерац вокзалда ўғрилар томонидан тунаб кетилган келишган йигитни поезд остидан қутқариб қолади. Йигитнинг оиласи эса Люсини унинг қаллиғи деб ўйлайди. Комада бўлган йигитнинг укаси Люсининг оддий ва самимийлиги учун севиб қолади. Тўғри танлов, ҳалоллик ҳақидаги таъсирчан, романтик фильм.
“Гринч”, 2018 йил
Рождествони ҳамма ҳам яхши кўрмайди. Тоғларда яшайдиган Гринч ўйин-кулги, қувонч, совғалар ва умуман олганда, байрамолди шов-шувлардан нафратланади. Шунинг учун у бу байрамни одамлардан ўғирлайди.
“Санта Клаус”, 1994 йил
Тим Аллен бош қаҳрамон сифатида кўриниш берган комедияда, Шимолий қутбга бориб қолган оддий ўйинчоқ сотувчиси Санта-Клауснинг ўрнини эгаллашига тўғри келади. Қаҳрамон нафақат янги образга кўникиши, балки байрамни ҳам сақлаб қолиши керак бўлади. Учта қисмдан иборат фильм байрам шукуҳини бахш этишига шубҳа йўқ.
“Икки кишилик Рождество”, 2019 йил
Кўринишидан, фильм оддий сюжетга эга, аммо охири сизни ҳайратда қолдиради. Қизиқарли бурилиш, клише бўлмаган ҳикоя ва бутун фильм севги ҳикояси ҳақида эмас. Кулгили ва қизиқарли вазиятлар — мазкур фильм, албатта, байрам олдидан ажойиб кайфият бағишлашга қодир.
“Кўнгил риштаси”, 2001 йил
Икки ёш учрашиб, бир-бирларини жуда яхши кўришларига қарамай, тақдирларини тасодифга топширишга қарор қилишади. Фильмда кўрсатилган воқеалар силсиласи гоҳ ғамгин қилади, гоҳ кулдиради. Бефарқ қолиш, албатта, қийин. Бу романтик фильм гўзал мусиқа ва ўзига хос сюжетга эга бўлиб, ажойиб кайфият бағишлаши аниқ.
Изоҳ (0)