Фильмнинг муваффақияти одатда у келтирган даромад билан ўлчанади. Қуйида энг кўп даромад келтирган Янги йил ҳақидаги фильмларга тўхталамиз.
“Санта Клаус”, 1994 йил
Тим Аллен иштирок этган “Санта Клаус” комедияси 1994 йилда шов-шувларга сабаб бўлди. Фильм бюджетга 22 миллион доллар сарфлаб, 190 миллион доллар даромад келтирди. Фильм яна бир оддий Янги йил комедияси бўлиши кутилган эди, лекин у энг кўп қайта томоша қилинадиган картиналардан бирига айланди. Фильм сюжети Скотт Калвин исмли қаҳрамон атрофида бўлиб, у Рождество байрамини ўғли билан бирга ўтказишга қарор қилади, лекин катта муаммога дуч келади. У сабабли Санта Клаус юрак хуружига учрайди ва у ҳамма вазифани ўз зиммасига олишига тўғри келади.
“Элф”, 2003 йил
“Элф” фильми 2003 йилда экранга чиқди ва дарҳол хитга айланди. Фильм илиқ кутиб олинди ва яхши даромад олиб келди. Картинанинг бюджет 33 миллион долларни ташкил қилиб, 225 миллион доллар даромад олиб келди. Фильм тасодифан Шимолий қутбга тушиб қолган ва Санта Клауснинг элфлар жамиятига қўшилган Будди ҳақида ҳикоя қилади. Будди ўзини элф деб ҳисоблаб улғаяди, лекин балоғатга этганида асл ҳақиқатга дуч келади.
“Элф” фильми шу қадар муваффақиятли чиқдики, режиссёр ва студия дарҳол давомини суратга олишни хоҳлади. Сиквелда (фильм, китоб муваффақиятидан кейинги давоми) рол ўйнашни ёқтирмайдиган актёр Уилл Фаррел бунга кескин қарши чиққан ва 2020 йилда Фаррел ва режиссёр Жон Фавро тил топиша олмагани маълум бўлди.
“Салом дада, Янги йил!”, 2015 йил
Марк Уолберг “Учинчиси ортиқча” фильмидаги комедик тарафини кашф қилгунга қадар жанговар ва жиноий фильмлардаги иштироки билан танилган эди. Кейинчалик “Салом дада, Янги йил!” фильмида ҳам иштирок этди. Икки таниқли актёр учун нисбатан кичик бюджет сарфланган фильм 242 миллион доллар ишлади ва фильмнинг давомли бўлишини кафолатлади.
“Ҳаётий муҳаббат”, 2003 йил
Фильм турли қаҳрамонларнинг 10 та воқеасини ўз ичига олади. Картина Янги йил кайфиятини ажойиб тарзда етказиб беради ва яхши муҳит яратиш учун илҳом бағишлайди. Яхши танланган актёрлар гуруҳи эса картинани жозибадор қилган. Фильм умумий ҳисобда 246 миллион доллар келтирди. 14 йилдан кейин фильмнинг давоми чиқди ва қаҳрамонларнинг тақдири ошкор бўлди.
“Шимолий экспресс”, 2004 йил
Янги йил фильмларида рол ўйнамайдиган Том Хенкс 2004 йил “Шимолий экспресс” фильмида суратга тушиб, бу анъанага чек қўйди. Актёр фильмда бир нечта ролларни бажарди. Картина 300 миллион доллардан кўпроқ даромад олиб келган бўлса ҳам молиявий тарафдан муваффақиятсиз деб топилди. Кинотанқидчилар ҳам фильмни кўп аспектлар бўйича юқори баҳоланмади. Аммо фильм вақт синовидан ўтди, ҳали-ҳамон томошабинларнинг севимли фильми бўлиб қолмоқда.
“Рождество ҳикояси”, 2009 йил
“Рождество ҳикояси” — яна бир машҳур анимацион фильм. Ундаги ролларни Жим Керри, Гари Олдман, Колин Ферт ва бошқалар ижро этган. Фильм “Шимолий экспресс”картинаси каби муваффақият чиқди. 200 миллион доллар бюджет сарфлаб, 325 миллион доллар даромад келтирди ва тарғиботи учун масъул бўлган студия муваффақиятсизлик туфайли Disney томонидан ўзлаштирилди. Танқидчиларга фильмга юқори баҳо қўйган бўлса ҳам уларга картинанинг ғамгин оҳанги манзур келмади. Томошабинлар бўлса “Рождество ҳикояси”ни юқори баҳолади.
“Гринч — Рождество ўғриси”, 2000 йил
“Гринч — Рождество ўғриси” фильми Жим Керрининг муваффақиятлироқ картинаси бўлди. У бюджетдан деярли 3 баравар кўп, яъни 345 миллион доллар ишлаб топди. “Гринч — Рождество ўғриси” фильми “Уйда ёлғиз” фильмларидан кейин учинчи энг кўп даромад келтирган Янги йил фильми бўлган эди, лекин 2018 йилда уларнинг барчасини бошқа бир лойиҳа ортда қолдирди.
“Уйда ёлғиз 2: Нью-Йоркда йўқолган бола”, 1990 йил
Фильмнинг биринчи қисмидаги муваффақиятдан сўнг, студия картинанинг давомини суратга олишни хоҳлагани ажабланарли эмас. Режиссёр Крис Колумб ҳам бош ролни Маколей Калкин ўйнайдиган бўлса, қаршилик қилмаган. “Уйда ёлғиз-2” фильми 358 миллион доллар ишлаб топган. Бу фильмнинг биринчи қисмидан қарийб 100 миллион доллар кам дегани. Шунингдек, студия ҳали ҳам фильмнинг учинчи қисмини суратга олиш режасидан воз кечганича йўқ.
“Уйда ёлғиз”, 1992 йил
Фильмининг муваффақияти аста-секин билан йиғилди. Картина бюджети жуда кам бўлган ва бу пулга унчалик ажойиб бўлмаган комедияни яратиш мумкин эди. Аммо вазиятларнинг бахтли комбинацияси туфайли режиссёрлар фильмга Даниэль Стерн, Жо Пеши Жон Уильямс каби актёрларни жалб қилишга муваффақ бўлган. Умумий бюджети 15 миллион бўлган фильм 476 миллион даромад келтирди ва бу Янги йил фильмлари тарихидаги энг муваффақиятли прокатга айланган. Фақатгина 2018 йилда “Гринч” анимацион фильми чиқиб, деярли 30 йил давомида етакчилик қилган фильмни ортда қолдирди.
“Гринч”, 2018 йил
“Гринч — Рождество ўғриси” картинасининг ремейки бўлган “Гринч” фильми 75 миллион доллар бюджет сарфлаб, 500 миллион доллардан ортиқ даромад олишга муваффақ бўлди. Танқидчилар одатдагидек мультфильмни ҳар хил баҳолади. Томошабинлар маъқул келди ва “Гринч” ўз жанрида эксклюзивлигини таъкидлади.
Изоҳ (0)