1965 йилда суратга олинган “И операцияси” комедиясида талаба Шурик ва кичкина Леночка иштирок этган саҳна томошабинларнинг ёдида бўлса керак. Орадан 60 йил ўтиб, фильмда рол ўйнаган актёрлар тубдан ўзгариб кетган. Қуйида картинанинг энг ёш актрисаси нима учун кино соҳасини танламагани ва фильмдан кейинги тақдири қандай кечгани ҳақида маълумот берамиз.
Гайдайга қизнинг фильмдаги ижроси ёқмаган
“И операцияси” фильмида кичкинтой Лена ролини Татьяна Градова ижро этган. У ўша пайтда 4 ёшда бўлиб, болалигиданоқ ижодий муҳитда ўсган: отаси Пётр Градов таниқли инсон бўлиб, Людмила Зикина, Жозеф Кобзон, Лев Лешченко ижро этган қўшиқларга шеърлар ёзган. Онаси Изида Максимова Кошинская эса театр актрисаси бўлган. Уларнинг оиласи Леонид Гайдай билан битта кўп қаватли уйда яшаган ва режиссёр билан дўст тутинган. Шунинг учун Леонид Гайдай Таняни янги фильмининг бир қисмида суратга олиш учун мамнуният билан таклиф этган. Айтганча, у ўз пижамасида экранда пайдо бўлган.
Айтиш керакки, қизга фильмда суратга тушиш унчалик ҳам ёқмаганди. Чунки унинг кўзи чироқларнинг ёрқин нуридан оғриб қолар, режиссёр эса норози бўлар ва доимо буйруқ бериб турарди. Чунки Таня Гайдай талаб қилганидек ижро эта олмас эди. Шундан сўнг Татян актриса бўлмасликка қарор қилган.
Таня ва Андрей онасини йўқотди
“И операцияси” суратга олинганидан бир йил ўтиб, Танянинг онаси Изида ҳалокатга учради, шифокорлар уни қутқара олмади. Беш ёшли қиз ва унинг тўққиз ёшли акаси Андрей онасиз қолди. Ака-сингил мўжизавий тарзда бу бахтсиз ҳодисадан омон қолган — улар ҳам машинада бўлган, лекин жиддий жароҳат олмаган. Болаларни бувиси ва бобоси уларни ўзи билан олиб кетган. Отаси эса узоқ вақт касалликдан азият чеккан. Кейинчалик Андрей Градов “Учрашув жойини ўзгартириб бўлмайди”, “Аёлларга ғамхўрлик қилинг”, “Келажак меҳмони” фильмларида рол ижро этган.
Адабиётшунос, муҳаррир, реклама мутахассиси
“И операцияси”дан 10 йил ўтгач Градова яна шериги Александр Демяненко билан учрашган. Албатта, Шурик ролини ўйнаган Александр аввалига уни танимаган.
Мактабдан сўнг Таня ГITИСга ўқишга кирди, лекин актёрлик эмас, балки театр йўналишини танлади, кейинчалик адабиётшунос бўлди. Совет Иттифоқи парчаланганидан кейин у турли тадбирлар билан шуғулланган, реклама шиорларини ёзди.
Ҳозирда Татьяна хоним нималар билан банд?
Татьяна турмушга чиққач ўғил фарзанд кўрди, лекин никоҳи узоқ давом этмади. Татьяна ўғлини ёлғиз ўзи тарбиялади. Ҳозирда Татьяна хоним шеър ёзади, журнал таҳрир қилади. 2010 йилда “Совет кино сирлари” ҳужжатли фильми намойиш этилди, унда Татьяна Градова ҳам иштирок этди: у 4 ёшли қизни бутун мамлакат бўйлаб машҳур қилган ўша кичик эпизод ҳақидаги хотиралари билан ўртоқлашди.
Изоҳ (0)