“Уйда ёлғиз” комедиясида бош қаҳрамон Кевин Маккаллистернинг оиласи яшаган икки қаватли уй Янги йил байрами арафасида ўз харидорини топди. Бу ҳақда Officelife.media хабар бермоқда.
Чикаго чеккасидаги Виннетка қишлоғида жойлашган қарийб 850 метр квадрат майдонга эга икки қаватли ғиштин уй жорий йил май ойида 5,25 миллион долларга баҳоланган эди.
Маккаллистерлар уйи 1990 йилдаги фильм муваффақиятидан кейин иккинчи марта сотувга қўйилган. 2012 йилда уй 1,58 миллион долларга сотилган. Харидор топилишига бир йил вақт кетган.
Кейин янги эгалар уйни кенг кўламли қайта таъмирдан ўтказган. Бош қаҳрамон чанада тушган иккинчи қаватдаги асосий зинапоя ҳам реконструкция қилинган.
Кўчмас мулк иккита меҳмонхона, бешта ётоқхона ва олтита ювиниш хонасидан иборат. Шунингдек, бу ерда катта қишки боғ, кинозал ва баскетбол ўйнаш учун спорт майдончаси ҳам мавжуд.
Кевин образини гавдалантирган Маколей Калкин АҚШ ОАВларидан бирига берган интервьюсида мазкур уйни шахсан ўзи сотиб олмоқчи эканлигини айтган, бироқ актёр бу фикридан қайтган.
Изоҳ (0)