Amazon asoschisi Jeff Bezos va sobiq telejurnalist Loren Sanchesning Venetsiyada bo‘lib o‘tgan to‘yi Italiya byudjetiga 957 million yevro (1 129 250 ming AQSH dollari) miqdorida daromad keltirdi. Bu haqda Reuters nashri mamlakat Turizm vazirligi ma’lumotlariga tayanib xabar berdi.
Dabdabali to‘y marosimi 26–28-iyun kunlari Venetsiyada o‘tkazildi va o‘sha hafta ichida eng ko‘p muhokama qilingan voqealardan biriga aylandi. Turli OAV to‘y dasturining tafsilotlari, taniqli mehmonlar va marosimni bekor qilishga uringan mahalliy aholining norozilik namoyishlarini keng yoritdi.
Italiya Turizm vazirligining rasmiy hisob-kitobiga ko‘ra, Bezosning to‘yi Venetsiyaning bir yillik turizm daromadining 67 foiziga teng bo‘lgan foyda keltirgan. Vazirlik ushbu tadbirni juda muhim deb atadi, chunki 2025-yilda shaharda sayyohlar oqimi sezilarli darajada kamaygan edi.
“Bezosning to‘yi Italiyaning xalqaro turizm sohasida tobora muhim rol o‘ynayotganining yaqqol isboti bo‘ldi. Bunday tadbirlar mamlakatimizning global obro‘sini mustahkamlab, yangi ish o‘rinlari yaratadi, diqqatga sazovor hududlarni targ‘ib qiladi va qimmatli sayyohlar oqimini jalb etadi”, dedi Italiya turizm vaziri Daniela Santanke.
Avvalroq to‘yga bir kun qolganda 61 yoshli Jeff Bezos va 55 yoshli Loren Sanches nikoh marosimi munosabati bilan mehmonlardan ularga sovg‘a bermaslikni va buning o‘rniga tarixiy shaharga xayriya qilishini so‘ragan edi, chunki shaharning ko‘plab aholisi bu tadbirga salbiy munosabat bildirgan edi.
Izoh (0)