“Trampning Titanigi to‘xtaydi” — Eron elchisi

Eronning O‘zbekistondagi elchisi Muhammadali Iskandariy Yaqin Sharqdagi vaziyat bo‘yicha bayonot berib, Isroilni terrorchi davlat deb atadi. Elchining jurnalistlarga o‘qib eshittirilgan bayonotida Eron muzokaraga muzokara, urushga urush bilan javob berishi keltirilgan.

Kecha, 24-iyun kuni Eron Islom Respublikasining O‘zbekiston Respublikasidagi elchixonasida mahalliy OAV vakillari bilan matbuot anjumani bo‘lib o‘tdi. Bu haqda "Daryo" muxbiri xabar berdi.

Muloqotda Muhammadali Iskandariy shaxsan qatnasha olmadi, lekin uning bayoti o‘qib eshittirildi.

Bayonotda aytishicha, Isroil “Nildan Frodgacha” konsepsiyasini amalga oshirmoqda. Va bu islom dunyosi bayrog‘ini pastga tushirishga qaratilgan xatti-harakatdir.

“AQSH va Isroilning ekstremistik mafkuraga tayangan elitasi jahonga hukmronlik qilish, ‘Nildan Furotgacha’ nomli eskirgan va xavfli nazariyasini hayotga tatbiq etish hamda islom dunyosi bayrog‘ini pastga tushirish bo‘ycha xatti-harakatlarga kirishdilar. Xalqaro institutlar, zamonaviy qurol-yarog‘lar, taktika va strategiyalardan foydalangan holda o‘rmon qonunini joriy etish bo‘yicha xatar qo‘ng‘iroqlari yangradi va vahshiylikning yangicha ko‘rinishi qaror topmoqda”, deyiladi.

• Ma'lumot uchun, “Nildan Furotgacha” deb nomlangan konsepsiya aslida “Greater Israel” (Buyuk Isroil) nazariyasi bo‘lib, u Ioardan daryosidan boshlab Golan, Quddus, G‘arbiy Sohil va G‘aza kabi mavjud hududlarni o‘z ichiga oladi.

Elchi AQSH va Isroilning jinoyatlari oldida sukut saqlash agressiyaga sheriklik yoki uni oqlash hisoblanishini qo'shimcha qilgan.

“Bunday jinoyatlar qarshisida sukut saqlash tajovuzkorga sheriklik yoki uni rag‘batlantirish hisoblanadi, uni har qanday darajada qoralash qotillik va insoniyatga qarshi jinoyatlar poyezdini to‘xtatishda samarali bo‘ladi. Har qanday mumkin bo‘lgan usulda haqiqat va adolatparvarlik tomonida turish diqqatni jalb etadi hamda qonuniy hisoblanadi, zolim qarshisida sukut saqlamaslik esa pok vijdonlarning roziligiga sabab bo‘ladi”.

Bayonotda keltirilishicha, Eron urushga urush bilan, muzokaraga muzokara bilan javob qo‘shimcha qildi.

Eronning madaniyatli xalqi muzoraga muzokara, urushga esa urush bilan javob beradi. Madaniyatli eronliklar asrlar davomida ana shunday inqirozlarga duch kelganlar va ularni yengib o‘tganlar. Eronning matonatli va qudratli xalqi doimo yorug‘lik yo‘lidan borajak. Eronliklarning “Allohu Akbar” quroli bilim va sivilizatsiya bilan birgalikda ularga madadkor bo‘ladi.

Fir’avn shunchalik qudratga ega bo‘lishiga qaramasdan, yorug‘lik va adolatparvarlikka qarshi kurashda oxir-oqibat dahshatga tushib, mag‘lub bo‘lgani kabi Trampning “Titanigi” ham shunchalik qudrati va mahobatiga qaramasdan to‘xtatiladi. Inshaaloh, deyilgan bayonotda.

Shu bilan birga, elchixona vakili Husayn Parvarish Eron nima uchun Isroilning hujumlarini qaytarishda Rossiyadan yordam olmaganiga javob berib o'tdi. Uning aytishicha, rasmiy Tehron tashqi xavflarni qaytarish bo‘yicha prinspial yondashuvga ega. Va shundan kelib chiqib Eron tashqaridan bo‘ladigan tajovuzlarni bartaraf etishda doim o‘z kuchiga tayanadi.

“Biz tashqi xavflarni bartaraf etishda o‘z kuchimizga tayanamiz. Rossiya Eronning strategik sherigi hisoblanadi. Rossiya oxirgi bir necha kun ichida sodir bo‘lgan voqealar bo‘yicha o‘zining qat’iy pozitsiyasini bildirib, AQSH va Isroilning harakatlarini qoraladi.

Eron 5+ davlatlari (BMT Xavfsizlik kengashining besh doimiy a’zosi – AQSH, Buyuk Britaniya, Fransiya, Rossiya, Xitoy va Germaniya nazarda tutilmoqda – tahr.) bilan yadro dasturi bo‘yicha olib brogan muzokaralari vaqtida Rossiya Eronning yaqin hamkori edi. Har bir round oldidan rasmiy Tehron Moskva bilan bu masalada maslahatlashardi”, deydi u.

Shuningdek, mas’ul vakil AQSHning zarbasidan so‘ng Natanz, Isfahon va Fordodagi yadro obyektlarning holati qanday ekanligiga ham to‘xtalib o‘tdi.

“Eron Islom respublikasi atom tashkiloti va Xalqaro atom energetika tashkiloti (MAGATE) ham tasdiqladi-ki, hozircha zarba berilgan yadro obyektlaridan radiatsiya chiqmayapti. Eron rahbariyati Amerikaning hujumidan oldin bu masalani o‘ylagan va yetarli chora tadbirlarni ko‘rgan edi.

Biz o‘zimizning qonuniy haq-huquqlarimidan kelib chiqib, yadro yo‘nalishda faoliyatimizni davom ettiramiz. Eronning yadro dasturi to‘liq MAGATEning nazorati ostida amalga oshirilmoqda”, dedi u.