Texnologiyalar dunyosidagi milliarderlar har doim ham sog‘lom ovqatlanish tamoyillariga amal qilmaydi, garchi bunga qurbi yetsa ham. Ba’zilar zamonaviy parhezlarga qiziqadi, boshqalari nonushtaga shokoladni afzal ko‘radi yoki bir necha kun davomida ovqatdan umuman voz kechadi.
- Ilon Mask ilgari ko‘pincha nonushta qilmas yoki faqat shokoladli baton yeb, kunni boshlaganini tan oldi. Yaqindan boshlab u har kuni ponchik bilan nonushta qilayotganini aytdi. Mask ilgari bir kunda sakkizta diyet kola ichgan bo‘lsa, hozir shirinlik iste’molini cheklashga harakat qilmoqda.
- Virgin Group asoschisi Richard Branson esa kuniga taxminan 20 chashka choy ichadi va odatda ertalabni mevali salat yoki myusli bilan boshlaydi. U ko‘pincha ish bo‘yicha uchrashuvlarini tushlik vaqtida o‘tkazib, ish va ovqatlanishni birlashtirishni yoqtiradi.
- 2011-yildan beri Mark Sukerberg faqat o‘zi o‘ldirgan hayvonlarning go‘shtini yeyishga qaror qilgan. Bir safar u Jek Dorsini echki go‘shti bilan mehmon qilgan.
- Amazon asoschisi Jeff Bezos bir kuni nonushtaga kartoshka, bekon va sarimsoqli yogurtli sakkizoyoq buyurtma qilgan, bu esa uning yangi ta’mlarni sinab ko‘rish istagi bilan bog‘liq bo‘lgan. Dam olish kunlari u Bette Krokker kitobidagi retsept bo‘yicha pankeyk tayyorlaydi.
- Bill Geyts kuniga to‘rt dona diyet kola ichadi va ertalabni shokoladli yorma bilan boshlashni yaxshi ko‘radi. U shuningdek, chizburgerni xush ko‘radi, ba’zida ovqat o‘rniga Tang ichimligi bilan kifoyalanadi.
- Stiv Jobs o‘zining qat’iy vegetarian diyetasi bilan mashhur bo‘lib, ba’zan haftalar davomida faqat bir turdagi ovqat bilan cheklanishi mumkin edi.
- Twitter asoschisi Jek Dorsi esa “paleo diyetasi” kabi qat’iy diyetalarga amal qiladi va hattoki ochlikni sinab ko‘radi, faqat bir mahal ovqatlanish bilan cheklanadi.
- Investor Uorren Baffet gazlangan ichimliklarni yaxshi ko‘radi va kuniga beshta kola ichadi, uni ko‘pincha kartoshka fri yoki muzqaymoq bilan qo‘shib iste’mol qiladi. U hazillashib, diyetasini olti yoshli bolalar ratsioniga o‘xshatadi.
- Kernel asoschisi Brayan Jonson kunlik kaloriyasini 1 977 kkl ga cheklaydi va qat’iy vegan diyetaga amal qiladi. Uning kuni tarkibida kollagen va kakao flavanollari kabi ingrediyentlar mavjud bo‘lgan yashil smuzi bilan boshlanadi.
- OpenAI asoschisi Sem Altman bolaligidan vegetarian bo‘lib, omega-3 va D3 vitamini kabi qo‘shimchalar qabul qiladi. U, shuningdek, qarish jarayonlarini sekinlashtirish uchun metformin qabul qilishni ham boshlagan.
- Milliarder Mark Kyuban nonushta uchun Alyssa’s Cookies kompaniyasining ikki dona pechenyesini afzal ko‘radi, u bir vaqtlar ushbu kompaniyaga investitsiya qilgan. Ba’zan u uch mahal ovqatda ham shu pechenyelarni iste’mol qiladi.
Shunday qilib, hatto eng muvaffaqiyatli insonlar ham sog‘lom turmush tarzidan yiroq bo‘lgan ovqatlanish odatlariga ega bo‘lishi mumkin
Izoh (0)