Ilon Mask yana dunyoning eng badavlat insoniga aylandi. Tesla kompaniyasi rahbarining boyligi bir yil ichida 92 milliard dollarga ortdi, deb xabar beradi Bloomberg.
Shunday qilib, Milliarderlar indeksi reytingidan birinchi o‘rinni 229 milliard dollar bilan Ilon Mask egalladi. U Louis Vuitton Moët Hennessy kompaniyalar guruhi prezidenti Bernar Arnoni ortda qoldirdi. Arnoning boyligi yil davomida 17 milliard dollarga ortib, 179 milliard dollarni tashkil etmoqda.
Reytingning uchinchi pog‘onasidan Amazon internet kompaniyasi asoschisi, Blue Origin aerokosmik kompaniyasi egasi va The Washington Post nashriyot uyi rahbari Jeff Bezos o‘rin oldi — uning boyligi 177 milliard dollarga yetgan.
Microsoft asoschisi Bill Geyts va korporatsiyaning bosh direktori Stive Balmer dunyoning eng badavlat insonlari beshligiga yakun yasagan.
Avvalroq Forbes jurnali ham dunyoning eng badavlat insonlari reytingni e’lon qilgan va Ilon Mask unda ham 1-pog‘onani egallagan edi.
Izoh (0)