Anant Ambani va Radhika Merchantning o‘tgan oyda bo‘lib o‘tgan dabdabali to‘yi, bayram tafsilotlari mart oyidan beri ko‘plab xorijiy OAV tilidan tushmadi. Haqiqatan, ushbu hashamatli marosimlar butun dunyodan ko‘plab mashhur insonlarni jalb qildi.
Nikoh marosimida jamiyatning eng yuqori qatlamlaridan bo‘lgan yuzlab shaxslar ishtirok etdi. Albatta, mehmonlar to‘yga quruq qo‘l bilan tashrif buyurmadi. Quyida yangi turmush qurganlarga berilgan eng qimmatbaho to‘y sovg‘alarini ko‘rib chiqamiz.
Palm Jumeyradagi xususiy plyajga ega uy
Anantning ota-onasi Mukesh Ambani va Nita Ambani kelin-kuyovga Palm Jumeyradagi 3000 kvadrat metrlik qimmatbaho uy sovg‘a qilishdi. Unda o‘nta yotoqxona va xususiy plyaj mavjud. Xonadon 76,2 million dollarga baholangan.
Bentley Continental GTC tezyurar avtomobili
Anant va Radhikaning ota-onasi Dubaydagi uydan tashqari 645 ming dollarlik Bentley Continental GTC Speed mashinasini sovg‘a qildi.
Qimmatbaho taqinchoqlar
Radhika Merchantning qaynona-qaynotasi Mukesh va Nita Ambani keliniga Cartier brendidan 260 ming dollarlik bilakuzuk hamda 1,3 million dollarlik marvarid va brilliant taqinchoq berdi.
Bugatti
Amazon kompaniyasining sobiq prezidenti va bosh direktori Jeff Bezos Anant va Radhikaga 1,4 million dollarlik Bugatti mashinasini sovg‘a qildi.
Lamborghini
Amerikalik aktyor Jon Sina yangi turmush qurganlarga 360 ming dollarlik Lamborghini mashinasini hadya qildi.
Shaxsiy samolyot
Facebook ijtimoiy tarmog‘iga asos solgan dasturchi Mark Sukerberg kelin-kuyovga 36 million dollarlik shaxsiy samolyotini yubordi.
Brilliant uzuk va yaxta
Milliarder Bill Geyts juftlikka 1,1 million dollarlik brilliant uzuk sovg‘a qildi. Ba’zi manbalar Geyts hindistonlik er-xotinga 21,5 million dollarlik hashamatli yaxta sovg‘a qilgani haqida ham yozishgan.
Tilla zanjir
Bollivudning mashhur juftligi Katrina Kaif va Viki Kaushal Anant Ambani va Radhika Merchantga to‘y sovg‘asi sifatida 23 ming dollarlik tilla zanjir berishdi.
Qo‘l mehnati bilan ishlangan ro‘mol
Bollivud aktyori Siddxart Malxotra va uning rafiqasi Kiara Advani 30 ming dollarlik qo‘lda ishlangan qimmatbaho ro‘mol sovg‘a qilishdi.
Oltin qalam
Bollivud yulduzi Akshay Kumar Ambani juftligiga 73 ming dollarlik tilla qalam hadya qildi.
Fransiyadan yangi kvartira
Bollivud qiroli Shohrux Xon yangi kelin-kuyovga Fransiyadan 4,8 million dollarlik hashamatli kvartira sovg‘a qildi.
Yana bir qimmatbaho taqinchoq
Bachchanlar oilasi Radhikaga zumraddan yasalgan 3,6 million dollarlik taqinchoqlarni sovg‘a qildi.
Mercedes
Xabar qilinishicha, Alia Bhatt va Ranbir Kapur juftlikka 1,1 million dollarlik Mercedes-Benz mashinasini hadya qilgan.
Sport mototsikli
Aktyor Salmon Xon juftlikka 1,8 million dollarlik sport mototsiklini sovg‘a qildi.
Rolls Royce
Ba’zi OAV ta’kidlashicha, Bollivudning eng go‘zal juftliklaridan biri Ranvir Singh va Dipika Padukone yoshlarga maxsus buyurtma asosida tayyorlangan 2,5 million dollarlik Rolls Royce sovg‘a qilgan.
Izoh (0)