Stereotiplardan farqli o‘laroq, barcha milliarderlarning turmush o‘rtoqlari ham boy dunyoviy hayot kechirmaydi va kameralar oldida ko‘rinmaydi. Ammo o‘z hayotini sayyoramizning eng boy odamlari bilan baham ko‘rganlarni ko‘rish yanada qiziqarliroqdir. Quyida mashhur biznesmenlarning rafiqalari qanday ko‘rinishda ekanligini va ular muvaffaqiyatli turmushdan tashqari boshqa narsalar bilan ham mashhurmi yoki yo‘qligini aytib beramiz.
Mark Sukerberg va Prissilla Chan juftligi
Ularning turmush qurganlariga 12 yildan oshdi. Ayni damda Mark Sukerbergning boyligi 65 milliard dollarga baholanmoqda. Mark 41 yoshga to‘ldi va u turmush o‘rtog‘i Prissilla Chan bilan tengdosh hisoblanadi. Juftlik 2000-yillarning boshlarida Garvard universitetida tanishishgan. Sukerberg universitetni tugatmagan: u biznesga kirishdi va o‘zining boshlang‘ich loyihasini — mashhur ijtimoiy tarmoq Facebookni yaratdi. Prissilla esa biologiya bo‘yicha ta‘lim olgan va turmush o‘rtog‘idan farqli o‘laroq, u 2007 yilda universitetni tamomlagan. Sukerberg va Chan 2012 yilda turmush qurishdi. Bugungi kunda Prissilla ularning birgalikdagi xayriya jamg‘armasini boshqaradi. Ularning uchta qizi bor.
Jeff Bezos va Loren Sanches juftligi
Amazon‘dan tashqari, Jeff Bezos Haffington Post nashriyot uyi va Blue Origin kosmik kompaniyasiga egalik qiladi. Bezos Amazonni yaratish va qo‘llab-quvvatlashda unga yordam bergan rafiqasi Makkenzi Tatl bilan 26 yil birga yashadi. 2019 yilda ajrashgandan so‘ng, Makkenzi sobiq turmush o‘rtog‘iga tegishli bo‘lgan aksiyalarning 4 foizini oldi va Bloomberg Billionaires indeksining eng boy odamlar reytingida 23-o‘ringa ko‘tarildi. Tadbirkorning o‘zi esa sevgilisi Loren Sanches bilan 2003 yilda unashtirildi, to‘y yaqin kunlarda bo‘lib o‘tishi kutilmoqda.
Bernar Arno va Helen Mersye Arno juftligi
Bernar Arno - Louis Vuitton Moët Hennessy kompaniyalar guruhining prezidenti. Bernar 75 yoshda. Uning rafiqasi Helen Mersye Arno esa undan 10 yoshga kichik. Ular 1991 yilda turmush qurishgan, Helen uch o‘g‘ilni dunyoga keltirgan bo‘lsada, o‘z ishini tark etmadi. Kanadaning Kvebek shahrida tug‘ilgan Helen - taniqli pianinochi. Hatto hozir ham, dunyoning eng boy odamlaridan biri bilan turmush qurgan bo‘lsa-da, u konsertlar berishni davom ettiradi. “Erim hech qachon meni ishdan voz kechishimga ko‘ndirmagan”, deydi ayol.
Bill Geyts va Paula Herd juftligi
Bill Geyts - Microsoft kompaniyasining asoschilaridan biri, uning boyligi taxminan 99 milliard dollarga baholanmoqda. 1994 yilda u o‘z kompaniyasining xodimi Melinda Frenchga uylandi. Bu nikohda uchta bola dunyoga keldi. 2021 yilda ular ajrashish haqida e‘lon qilishdi, ma‘lumotlarga ko‘ra, juftlik munosabatlarining tugashi tadbirkorning xiyonati bilan bog‘liq. Ikki yildan so‘ng Geytsning Paula Herd bilan romantik munosabatlari haqida ma’lum bo‘ldi. Paula dasturiy ta‘minot bilan shug‘ullanadigan Oracle kompaniyasi bosh direktorining bevasi bo‘lib, marhum Geytsning do‘sti edi.
Larri Peyj va Lusinda Sautvort juftligi
Larri Peyj, Google qidiruv tizimining ishlab chiquvchisi va hammuallifi, 2007 yilda turmush qurgan. Uning rafiqasi — Lusinda Sautvort, Stanford universitetida tibbiyotdan dars beradi. Er-xotin ikki farzandi bilan Kaliforniyadagi qasrda yashaydi.
Stiv Balmer va Konni Snayder juftligi
Stiv Balmer — garchi uning nomi Bill Geytsning nomi kabi butun dunyoda tanilmagan bo‘lsa ham u Microsoftning bosh direktori hisoblanadi. Uning shaxsiy hayotida hamma narsa yaxshi — milliarder 1990 yilda kompaniya xodimi Konni Snayder bilan turmush qurgan. Juftlikning uch nafar farzandi bor.
Uorren Baffet va Astrid Menks juftligi
2019 yil yanvar oyida Uorren Baffetning boyligi 84,9 milliard dollarga baholandi. Hozirda investor Uorren Baffet 94 yoshda, uning rafiqasi Astrid Menks esa 79 yoshda, u Latviyada tug‘ilganligi ma‘lum. Ular 2006 yilda turmush qurishgan va juda kamtarona hayot kechirishadi: arzon restoranlarda ovqatlanishadi hamda supermarketlarga borishadi. Menks uy bekasi. Aytishlaricha, bo‘lajak eri unga to‘y oldidan uzuk sotib olganida, u o‘z kompaniyasi xodimlariga beriladigan chegirmadan foydalangan. Ishbilarmonlar davrasida Baffetni hisob-kitobli deb atashlari bejiz emas.
Eng boy odam Ilon Maskning shaxsiy hayotida hozircha to‘liq tartibsizlik hukm surmoqda. Uning qiz do‘stlari orasida aktrisa Ember Hyord g‘ayrioddiy qo‘shiqchi Grayms va hatto Kameron Dias ham bor. Hozirda ommaviy axborot vositalari uni jurnalist Teylor Lorens bilan bog‘lamoqda, ammo Mask bu munosabatlarni tasdiqlamadi.
Izoh (0)