Dunyodagi eng badavlat insonlar reytingi e’lon qilindi

Amerikaning Forbes moliyaviy jurnali 1987-yildan beri har yili dunyoning eng badavlat insonlari ro‘yxatini eʼlon qilib keladi. 2023-yildagi reytingga ko‘ra, o‘tgan yillarda birinchilikni egallagan Ilon Mask bir pog‘ona pastlagan.

1. Bernar Arno (Fransiya)

Birinchi o‘rinni Louis Vuitton va Sephora brendlari asoschisi Bernar Arno egalladi. Uning boyligi bugungi kunda 233 milliard dollarni tashkil etadi.

2. Ilon Mask (AQSH)

Umumiy boyligi 195 milliard dollarni tashkil etadigan Ilon Maskning Space X, Tesla, The Boring Company kabi kompaniyalari har kuni millionlab daromad keltirmoqda.

3. Jeff Bezos (AQSH)

1994-yilda Amazon kompaniyasiga asos solgan Jeff Bezos asoschisi uzoq yillar davomida dunyoning eng boy insonlari ro‘yxatida yuqori pog‘onalarni egallab kelmoqda. Uning davlati 194 milliard dollarga yetgan.

4. Mark Sukerberg (AQSH)

2004-yilda Facebook ijtimoiy tarmog‘iga asos solgan Mark Sukerbergning moliyaviy ahvoli 177 milliard dollar deb baholanmoqda.

5. Larri Ellison (AQSH)

Umumiy boyligi 141 milliard dollar bo‘lgan Larri Ellison Oracle dasturlash bo‘yicha gigant korxonaning 40 foiz aksiyalariga egalik qiladi.

6. Uorren Baffet (AQSH)

Amerikalik tadbirkor va jahonga mashhur investor 133 milliard dollardan ortiq daromadga ega.

7. Bill Geyts (AQSH)

128 milliard dollar. Microsoft asoschisi o‘z biznesini diversifikatsiya qildi va hozirda Republic Services yoki Deere & Co kabi kompaniyalarda ulushlarga ega.

8. Stiv Balmer (AQSH)

U 2000-yildan 2014-yilgacha Microsoft kompaniyasining bosh direktori bo‘lgan va kompaniya rivojiga ulkan hissa qo‘shgan. (121 milliard dollar).

9. Mukesh Ambani (Hindiston)

Mukesh Ambani Reliance Industries kompaniyasi direktori bo‘lib, korxona neft, gaz, telekommunikatsiya va moliyaviy xizmatlar kabi sohalarda faoliyat yuritadi. (116 milliard dollar).

10. Larri Peyj (AQSH)

Amerikalik dasturchi va Google qidiruv xizmati asoschisi Larri Peyj 2019-yilda Alphabet bosh direktori lavozimini tark etgan, ammo boshqaruv kengashi a’zolaridan biri bo‘lib qolmoqda. (114 milliard dollar)

11. Sergey Brin (AQSH)

Larri Peyj singari u ham 2019-yilda Alphabet prezidenti lavozimini tark etdi, Internet-tadbirkor va dasturchi Sergey Brin hozirda sun’iy intellekt ustida ishlar olib bormoqda. (110 milliard dollar).

12. Maykl Blumberg (AQSH)

Bloomberg LP moliyaviy axborot va media informatsion agentligi asoschilaridan biri Maykl Blumberg 2002-yildan 2013-yilgacha Nyu-York meri lavozimida ham ishlagan. (106 milliard dollar).

13. Amansio Ortega (Ispaniya)

Amansio Ortega Zara, Pull & Bear, Oysho va Bershka kabi mashhur brendlarni o‘z ichiga olgan moda va savdo konglomeratidir. Umumiy boyligi 106 milliard dollarni tashkil etadi.

14. Karlos Slim va uning oilasi (Meksika)

Meksikaning eng boy odami Karlos Slim América Móvil nomli uyali aloqa kompaniyasi rahbaridir. (102 milliard dollar).

15. Fransua Betankur Mayers va uning oilasi (Fransiya)

99,5 milliard dollar boylikka ega Fransua L’Oreal asoschisining nabirasi hisoblanadi.