40 yoshli Keti Perri va 48 yoshli Orlando Blum ajrashdi. TMZ xabariga ko‘ra, juftlik unashtiruvni bekor qilgan. Orlando Blum yaqin orada Venetsiyada bo‘lib o‘tadigan Jeff Bezos va Lauren Sanchezning to‘yida yolg‘iz erkak sifatida ishtirok etishi kutilmoqda. U Leonardo DiKaprio bilan birga tadbirda maroqli vaqt o‘tkazishini aytgan. Ammo qo‘shiqchi Keti Perri to‘yga taklif qilingan mehmonlar ro‘yxatida yo‘q, chunki hozirda u “143” nomli jahon turida. Yulduzlar 2016-yildan beri yaqin munosabatda edi. 2019-yilda ular unashtiruv marosimini o‘tkazgan. Hozircha juftlik ajralish sabablarini oshkor qilmagan. Ular bundan avval ham bir necha marotaba ajrashgan, ammo keyin yana birga bo‘lgan. Blum va Perrining Deyzi Dav ismli qizi bor. U 2020-yil avgustda dunyoga kelgan.
×![Lightbox Image]()
Izoh (0)