Milliarderlar kadrda: kinoda suratga tushgan dunyoning eng badavlat odamlari

Ba’zi milliarderlar o‘zlari uchun mutlaqo yangi sohada — kinosanoatda ham omadlarini sinab ko‘rishgan.

Donald Tramp

1990-yilda mashhur rejissyor Kris Kolumbus sho‘x, ammo mehribon Kevin Makkalister haqidagi quvnoq Rojdestvo hikoyasining davomini suratga oldi. Sahnalardan biri bosh qahramon adashib Nyu Yorkka kelib qoladi va hashamatli “Plaza” mehmonxonasiga joylashadi. O‘sha paytda mehmonxona AQShning hozirgi prezidentiga tegishli edi. Aytgancha, u doimo tomoshabinlarni hayratda qoldirishni yaxshi ko‘rardi. Bu safar ham Tramp mehmonxonasida suratga olishga ruxsat bergani uchun standart to‘lovdan tashqari, o‘zini ham aktyorlar tarkibiga kiritishni talab qiladi. Bir daqiqalik sahnada Tramp Kevinga yo‘l topishda yordam beradi, biroq tomoshabinlar milliarderni ko‘rib qolganlaridan xursand bo‘lib, uni iliq kutib olishadi.

Bill Geyts

Microsoft asoschisi ham tinch o‘tirmaydi va unga taklif etilgan barcha kinoprobalarda faol ishtirok etadi. Shunday kastinglar natijasida milliarder “Katta portlash nazariyasi” serialida ishtirok etadi. Bill Geyts hatto The Gates Excitation deb nomlangan serialning 11-mavsumi 18-qismida ham rol ijro etadi. Epizodning mohiyati shundaki, bosh qahramon Pennida Geyts bilan uchrashish imkoniyati tug‘iladi. Bundan tashqari, Bill Geyts San-Fransiskodagi startapchilar hayoti haqida hikoya qiluvchi “Silikon vodiysi” serialining yakuniy qismida ham ko‘rinish beradi.

Mark Sukerberg

Mark Sukerberg kinoda o‘z qiyofasida emas, balki animatsion tarzda paydo bo‘lgan. Uning qahramoni “Simpsonlar”larga oliy ma’lumotning ahamiyati oshirib yuborilganini uqtiradi (milliarderning o‘zi Garvardni tugatmagan). O‘z qarashini isbotlash uchun Mark Bill Geyts va Richard Brensonni misol keltiradi. Ular ham diplomsiz bo‘la turib muvaffaqiyatli biznesni yo‘lga qo‘ygan. Sahnaning kulgili jihati shundaki, asta-sekin xonada faqat oliy ma’lumotli farroshgina qoladi.

Jeff Bezos

Bezos o‘z qiyofasi bilan ekranga chiqarmaslikka qaror qiladi, lekin baribir katta kinoda shuhrat qozonadi. Shu bilan birga, oddiy tomoshabin qarshisida sayyoraning eng boy odamlaridan biri turganini hech qachon tushunmagan bo‘lardi. Bezos “Yulduzli yo‘l” sagasining uzoq yillik muxlisi bo‘lib, “Yulduzli yo‘l: cheksizlik”da rol o‘ynaydi. Tadbirkor o‘zga sayyoralik qiyofasida chiqqani uchun uni tanib bo‘lmaydi.

Ilon Mask

Va nihoyat, barcha boylar ichida eng badavlati — Ilon Maskning kinodagi karyerasi haqida eslab o‘tmaslik mumkin emas. Ma’lum bo‘lishicha, Mask ham kinoda suratga tushishni yaxshi ko‘radi. 

Mask “Katta portlash nazariyasi” epizodlaridan birida paydo bo‘ladi. Filmda u restoranda idish-tovoqlarni yuvadi va kimningdir pirogini yeydi.

Shuningdek, “Temir odam-2” superqahramonlik kartinasida milliarder o‘zining haqiqiy prototipi Toni Stark bilan muloqot qiladi. Kichik Robert Dauni o‘z qahramonining xususiyatlarini aynan Ilon Maskdan olganini bir necha bor aytgan.

Bundan tashqari, milliarder Brayan Krenston va Jeyms Franko ishtirokidagi “Nega u?” komediyasida ham ishtirok etgan. Bu yerda ham Mask yana bosh qahramonning do‘sti bo‘lgan o‘zini o‘ynaydi.

Uorren Baffet

Barcha davrlarning eng mashhur (va boy) investori ham kinematografiyadan chetda qolmagan. Baffet “Ofis” serialining 7-mavsumi 24-qismida — Stiv Karell shousida paydo bo‘ladi. Aytgancha, syujet bo‘yicha u Karrelning o‘rniga nomzodlar bilan suhbat o‘tkazadi.