Toshkent shahar Shayxontohur tumanida erkak 2 kishi tomonidan bo‘g‘ib o‘ldirildi. Bu haqda “Millar” dasturida xabar berildi.
Keltirilishicha, Shayxontohur tumanida fuqaroning o‘ldirilishi bilan bog‘liq jinoyat ishi bo‘yicha sud jarayoni yakuniga yetdi. Jinoyat ishlari bo‘yicha Shayxontohur tuman sudida ko‘rib chiqilgan ishda ikki nafar sudlanuvchiga nisbatan hukm chiqarildi.
Tergov materiallariga ko‘ra, sudlanuvchilardan biri jabrlanuvchidan 14,5 ming dollar miqdorda qarz olgan va uni belgilangan muddatda qaytarmagan. Ushbu holat ortidan yuzaga kelgan kelishmovchilik jinoyatga olib kelgan.
Aniqlanishicha, sudlanuvchi tanishi bilan birgalikda jabrlanuvchini o‘ldirish rejasini tuzgan. Jinoyat sodir etilgach, marhumning jasadi avtomashina yukxonasiga ortilgan va xilvat joyga tashlab ketilgan.
Shuningdek, ayblanuvchilardan biri marhumning qayerdaligini bilganiga qaramay, uning oilasi bilan birga qidiruvga chiqib, jinoyatini yashirishga harakat qilgan. Ikkinchi sudlanuvchi esa jasadni bir necha soat mashinada olib yurib, keyinchalik xilvat joyga tashlab ketgan.
Sud tomonidan barcha dalillar atroflicha o‘rganilib, sudlanuvchilarning harakatlari og‘ir jinoyat sifatida baholandi. Natijada har ikkala ayblanuvchi uzoq muddatli ozodlikdan mahrum etish jazosi bilan jazolandi — ularga 20 yildan ozodlikdan mahrum qilish jazosi tayinlandi.
Jinoyat bilan yakunlangan janjallar
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
- Namanganda erkak do‘konda xotinini pichoqlab o‘ldirdi.
- Surxondaryoda ayoliga tazyiq o‘tkazgan erkak qamaldi.
Izoh (0)