Namangan viloyati Pop tumanida erkak do‘konda xotinini pichoqlab o‘ldirdi. Bosh prokuratura “Daryo”ga bu bo‘yicha ma’lumot berdi.
Ma’lum qilinishicha, holat 17-may kuni soat 11:30 larda Pop tumanida sodir bo‘lgan. 1997-yilda tug‘ilgan R.B. Pop tumani, “Qo‘shminor” MFY, Gagarin ko‘chasidagi savdo do‘koniga kelib, turmush o‘rtog‘i — 1999-yilda tug‘ilgan X.N. bilan avvaldan bo‘lgan oilaviy kelishmovchilik sababli o‘zaro janjallashgan.
Shu vaqt u savdo do‘koni oldiga o‘rnatilgan non sotish uchun mo‘ljallangan peshtaxta ustida bo‘lgan xo‘jalik pichog‘i bilan ayoliga hayoti uchun xavfli bo‘lgan og‘ir tan jarohatlari yetkazgan. Oqibatda ayol hodisa joyida vafot etgan.
Mazkur holat yuzasidan Pop tuman prokuraturasi tomonidan erkakka nisbatan Jinoyat kodeksining 97-moddasi 1-qismi bilan jinoyat ishi qo‘zg‘atilib, gumonlanuvchi ushlandi.
Pichoqlash bilan yakunlangan oilaviy janjallar
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
Izoh (0)