Farg‘ona viloyatida erkak bir guruh do‘stlari bilan sobiq kuyovini do‘pposladi. Holat yuzasidan viloyat FVB ma’lumot berdi.
Ma’lum qilinishicha, joriy yilning 10-mart kuni Yangi asr ko‘chasida 1992-yilda tug‘ilgan fuqaro S.A. sobiq kuyovi 1992-yilda tug‘ilgan A.A. bilan singlisini haqorat qilgani sababli o‘zaro janjallashgan. Janjal davomida S.A. va boshqalar fuqaro A.A.ning tanasini turli joylariga urib, tan jarohati yetkazgan.
Sud-tibbiy ekspertizasining dastlabki xulosasida A.A.ning tan jarohatlari o‘rtacha og‘irlikdagi shikastlar toifasiga kirishi ko‘rsatilgan.
Mazkur holat yuzasidan 13-martda Farg‘ona shahar IIO FMB tomonidan S.A. va uning sheriklariga nisbatan Jinoyat kodeksining 105-moddasi 2-qismi “i” bandi bilan jinoyat ishi qo‘zg‘atilib, barchasi protsessual tartibda ushlangan.
Hozirda tergov harakatlari olib borilmoqda. Yakuniga ko‘ra, har bir shaxsning xatti-harakatlariga qonuniy baho beriladi.
Pichoqlash bilan yakunlangan oilaviy janjallar
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
Izoh (0)